ନମସ୍କାର ବନ୍ଧୁଗଣ ତେବେ ମହିଳା ସଫ୍ଟେଓୟାର ଇଞ୍ଜିନିୟର ଶ୍ୱେତା ଉତ୍କଳ କୁମାରୀଙ୍କ ମୃତ୍ୟୁକୁ ନେଇ ଲାଗି ରହିଥିବା ସସପେନ୍ସ ଭିତରେ ସାମ୍ନାକୁ ଆସିଛି ଏକ ଅଡ଼ିଓ ବାର୍ତ୍ତାଳାପ । ଯେଉଁଥିରେ ଶ୍ୱେତା ତାଙ୍କର ବୟଫ୍ରେଣ୍ଡ ସୌମ୍ୟଜିତ ମହାପାତ୍ରଙ୍କ ସହ କଥା କଟାକଟି ହୋଇଥିବା ଶୁଣିବାକୁ ମିଳିଛି । ସୌମ୍ୟଜିତ ନିଜ ଜୀବନରୁ ଶ୍ୱେତାଙ୍କୁ ବାହାରିଯିବାକୁ କହୁଛନ୍ତି । ତାସହ କହିଛନ୍ତି ମୋତେ ଶାନ୍ତିରେ ରହିବାର ଅଛି ।
ମୋ ମୁଣ୍ଡ ଗରମ କରନା ମୋତେ ଶାନ୍ତି ରେ ରଖିବାକୁ ଦେ ଏପରିକି କଲ୍ ନକରିବାକୁ ବି ତାଗିଦ୍ କରୁଥିବା ଶୁଣିବାକୁ ମିଳୁଛି ଏହି ଅଡ଼ିଓରେ । ତେବେ ଏହି ଭାଇରାଲ୍ ଅଡ଼ିଓଟି କେବେକାର, ସେନେଇ ସ୍ପଷ୍ଟ ହୋଇନାହିଁ । ଓଟିଭି ହାତରେ ଲାଗିଥିବା ଏହି ଅଡ଼ିଓରେ ଆଉ କଣ କଥାବାର୍ତ୍ତା ହୋଇଛନ୍ତି ସୌମ୍ୟଜିତ ମହାପାତ୍ର ଏବଂ ଶ୍ୱେତା ।
ତେବେ ସୈାମ୍ୟଜିତ୍ ତାଙ୍କୁ କହୁଛନ୍ତି ଯଦି ବାପା ବୋଉଙ୍କ ପାଖକୁ କଲ୍ ଯିବ ତାହେଲେ ଏଭଳି କହି ସ୍ୱେତା ଙ୍କୁ ବହୁତ ଖରାପ କଥା କହିଥିଲେ । ଏହାପରେ ସୈାମ୍ୟଜିତ୍ ଙ୍କ କଥାଶୁଣି ଶ୍ଵେତା କହିଲେ ଯେ ନାହିଁ ମୁଁ କଲ୍ କରିବି ନାହିଁ । ଏହା ପରେ ଶ୍ଵେତା ମଧ୍ୟ ସୈାମ୍ୟଜିତ୍ ଙ୍କୁ ଅନେକ କଥା କହିଛନ୍ତି । ସେ ଯେଉଁ ଖେଳ ଖେଳୁଛନ୍ତି ଶ୍ଵେତା ସବୁ ବୁଝି ପାରୁଛନ୍ତି । ଏହାପରେ ଶ୍ଵେତା ଙ୍କୁ ସୈାମ୍ୟଜିତ୍ ତାଙ୍କ ଜୀବନରୁ ଚାଲି ଯିବାକୁ କହିଥିଲେ ।
କିନ୍ତୁ ଶ୍ଵେତା ମନା କରିଥିଲେ । କଣ ପାଇଁ ତାଙ୍କ ଜୀବନରୁ ଚାଲିଯିବେ ବୋଲି ମଧ୍ୟ ପ୍ରଶ୍ନ ପଚାରିଥିଲେ । କିନ୍ତୁ ଶ୍ଵେତା ଙ୍କୁ ସୈାମ୍ୟଜିତ୍ କହିଛନ୍ତି ତୁମେ ମୋ ମୁଣ୍ଡା ଖରାପ କରୁଛ । ନିଜ ଜୀବନକୁ ନଷ୍ଟ କରୁଛ ତା ସହିତ ମୋ ଜୀବନକୁ ମଧ୍ୟ ତୁମେ ନଷ୍ଟ କରୁଛ । ସୈାମ୍ୟଜିତ୍ ଆଉ ଜଣଙ୍କୁ ଖୋଜିବେ । ଏହାଶୁଣି ସ୍ୱେତା ବହୁତ ରାଗୀ ଯାଇଥିଲେ । ସେ କଣ ତାଙ୍କ ଜୀବନ ନଷ୍ଟ କରିଛନ୍ତି ବୋଲି ବାରମ୍ବାର ପଚାରି ଚାଲିଥିଲେ ।
ତେବେ ସୈାମ୍ୟଜିତ୍ ସ୍ୱେତା ଙ୍କୁ ବାରମ୍ବାର କହିଥିଲେ ମତେ କଲ୍ କରନାହିଁ । କିନ୍ତୁ ସ୍ୱେତା ସୈାମ୍ୟଜିତ୍ ଙ୍କୁ କଲ୍ କରୁଥିଲେ । ଏବଂ ତାଙ୍କ ମୁଣ୍ଡ ଗରମ କରୁଥିଲେ । ପାଗଳଙ୍କ ପରି କଲ୍ କରିବାରେ ଲାଗିଛି । ନିଜେ ତ ପାଗଳ ଆଉ ସମସ୍ତଙ୍କୁ କାହିଁକି ପାଗଳ କରୁଛୁ ଏହିପରି କଥା ସୈାମ୍ୟଜିତ୍ କହିଥିଲେ । ବର୍ତ୍ତମାନ ଏହି ଅଡିଓ ବହୁ ମାତ୍ରାରେ ଜଣଙ୍କ ମୋବାଇଲ୍ ରୁ ଅନ୍ୟ ଜଣଙ୍କ ମୋବାଇଲ କୁ ଘୁରି ବୁଲୁଛି ।
ତେବେ ତେବେ ଶ୍ୱେତା ମୃତ୍ୟୁ ମାମଲାରେ ସନ୍ଦେହ ଘେରକୁ ଆସିଥିବା ବୟଫ୍ରେଣ୍ଡ ସୌମ୍ୟଜିତ ଏବେ କେଉଁଠି ? ସେନେଇ କିଛି ସୁରାକ ମିଳିନି । ଶ୍ୱେତା ଓ ସୌମ୍ୟଜିତ ପୂର୍ବରୁ ଏକ ଘରୋଇ ସଫ୍ଟଓ୍ୱୟାର କଂପାନୀରେ ଚାକିରି କରୁଥିବା ବେଳେ ସୌମ୍ୟଜିତ ପରେ ଚାକିରି ଛାଡ଼ି ଭୁବନେଶ୍ୱର ର ଏକ ପ୍ରତିଷ୍ଠିତ ମ୍ୟାନେଜମେଣ୍ଟ ପ୍ରତିଷ୍ଠାନ ରେ ଏମବିଏ କରୁଛନ୍ତି ।
ସେପଟେ ସମ୍ବଲପୁର ସ୍ଥିତ ଅଇଂଠାପିଲା ବଂଶୀଧର ନଗରରେ ଥିବା ସୌମ୍ୟଜିତ ଙ୍କ ଘରକୁ ଯାଇ ତାଙ୍କ ପରିବାର ଲୋକଙ୍କୁ ଆମେ ଯୋଗାଯୋଗ କରିଥିଲୁ ।
ହେଲେ ପରିବାର ଲୋକେ ଏନେଇ କୌଣସି ପତିକ୍ରିୟା ଦେବାକୁ ମନା କରିଦେଇଥିଲେ । ଶ୍ୱେତାଙ୍କ ପରିବାର ଲୋକ ଙ୍କ ସୂଚନା ଅନୁସାରେ ଶ୍ୱେତା-ସୌମ୍ୟଜିତ ଚାକିରି କରିବା ସମୟ ରେ ପ୍ରେମ ସଂପର୍କ ଆରମ୍ଭ ହୋଇଥିଲା, ପରେ ବିବାହ ପର୍ଯ୍ୟନ୍ତ କଥା ଯାଇଥିଲା । ହେଲେ ସୌମ୍ୟଙ୍କ ପରିବାର ଲୋକେ ଯୌତୁକ ବାବଦରେ ୩୦ ଲକ୍ଷ ଟଙ୍କା ଦାବି କରିବାରୁ ଏଥିରେ ଅରାଜି ହୋଇଥିଲେ ଶ୍ୱେତା ଙ୍କ ବାପା । ପରେ ଉଭୟ ଙ୍କ ସମ୍ପର୍କ ରେ ଭଟ୍ଟା ପଡ଼ଥିଲା । ତେବେ ଏହା ଉପରେ ଆପଣଙ୍କ ମତାମତ କଣ ନିଶ୍ଚିତ ଜଣାନ୍ତୁ ।
