ନମସ୍କାର ବନ୍ଧୁଗଣ ତେବେ ଆପଣ ମାନେ ଜାଣିଥିବେ କି କିଛିଦିନ ହେବ ତପସ୍ୱିନୀ ନାମକ ଜଣେ ଝିଅ ନିଜର ଅଧିକାର ଏବଂ ନିଜ ସ୍ୱାମୀ ଙ୍କୁ ପାଇବା ପାଇଁ ୯ ଦିନ ହେଲା ଶ୍ୱଶୁର ଘର ଆଗରେ ଧାରଣାରେ ବସିଛନ୍ତି ତପସ୍ୱିନୀ । ସେ କହିଛନ୍ତି ଯେତେବେଳେ ସ୍ତ୍ରୀ ରାସ୍ତାରେ ଧୂଳି ମାଟିରେ ଶୋଉଛି ଏପରିକି କୁକୁର ଆସି ପାଖରେ ଶୋଉଛି ସ୍ୱାମୀ କ’ଣ ଏସବୁ ଦେଖିକି ଦୟା ଲାଗୁନି ? ଏସବୁ ଦେଖି ବାହାର ଲୋକଙ୍କ ଆଖିରୁ ଲୁହ ଆସି ଯାଉଛି ହେଲେ ତାଙ୍କ ଆଖିରୁ କ’ଣ ଲୁହ ଆସୁନି ?
ତେବେ ଏଭଳି କିଛି କହିଛନ୍ତି ଶ୍ୱଶୁର ଘର ଆଗରେ ଧାରଣାରେ ବସିଥିବା ତପସ୍ୱିନୀ ଦାସ । ବ୍ରହ୍ମପୁର ସ୍ଥିତ ବ୍ରହ୍ମାନଗରରେ ଥିବା ଶ୍ୱଶୁର ଘର ଆଗରେ ୯ ଦିନ ହେଲା ଧାରଣାରେ ବସି ରହିଛନ୍ତି ତପସ୍ୱିନୀ ଦାସ । ସ୍ୱାମୀଙ୍କ ସହ ରହିବାକୁ ଦାବି କରି ବ୍ରହ୍ମପୁର ଏସଡ଼ିଯେଏମ କୋର୍ଟରେ ତପସ୍ୱିନୀ କରିଥିବା ଆବେଦନର ଶୁଣାଣି ହୋଇଛି । ହେଲେ ଆଜି ମଧ୍ୟ ଏହି ରାୟ ପ୍ରକାଶ ପାଇ ନାହିଁ । ଗତକାଲି କୋର୍ଟ ରାୟ ପ୍ରକାଶ କରି ନଥିବା ବେଳେ ଆଜି ମଧ୍ୟ ରାୟ ପ୍ରକାଶ ପାଇ ନଥିବା ସୂଚନା ମିଳିଛି ।
ଗତ ୨୭ ତାରିଖରେ ତପସ୍ୱିନୀ ଦାସଙ୍କ ଆବେଦନର ଶୁଣାଣି ବ୍ରହ୍ମପୁର ଏସଡ଼ିଜେଏମ କୋର୍ଟରେ ହୋଇଥିଲା । ୨୯ ତାରିଖ ଯାଏ ବ୍ରହ୍ମପୁର ସଖୀ କେନ୍ଦ୍ରରେ ତପସ୍ୱିନୀ ଦାସ ରହିବେ ବୋଲି କୋର୍ଟ କହିଥିଲେ । ହେଲେ ତପସ୍ୱିନୀ କହିଥିଲେ ମୁଁ ସଖି କେନ୍ଦ୍ରକୁ ଯିବିନି । ମୁଁ ଯେଉଁଠି ବସିଥିଲି ସେଇଠି ବସିବି । ମୋତେ ବୋହୂ ହିସାବରେ ଘରକୁ ନନେବା ଯାଏ ମୁଁ ଧାରଣାରେ ବସିବି । କୋର୍ଟ ଯାହା ରାୟ ଦେବେ ତାକୁ ଗ୍ରହଣ କରିବି ବୋଲି ତପସ୍ୱିନୀଙ୍କ ଶ୍ୱଶୁର ପ୍ରମୋଦ ସାହୁ କହିଛନ୍ତି ।
ତପସ୍ୱିନୀ କହିଛନ୍ତି ଯେତେବେଳେ ସ୍ତ୍ରୀ ରାସ୍ତାରେ ଧୂଳିମାଟିରେ ଶୋଉଛି ଏପରିକି କୁକୁର ଆସି ପାଖରେ ଶୋଉଛି ତାଙ୍କୁ କଣ ଏସବୁ ଦେଖିକି ଦୟା ଲାଗୁନି ? ଏସବୁ ଦେଖି ବାହାର ଲୋକଙ୍କ ଆଖିରୁ ଲୁହ ଆସି ଯାଉଛି ହେଲେ ତାଙ୍କ ଆଖିରୁ କ’ଣ ଲୁହ ଆସୁନି ? ୯ ଦିନ ହେଲାଣି ମୁଁ ଏମିତି ଅବସ୍ଥାରେ ରହିଛି । ମୁଁ ବା ତାଙ୍କ ବୋହୂ ସୁନା ଝିଅ । ଯଦି ସୁନା ଝିଅ ରାସ୍ତାରେ ଶୋଉଛି କ’ଣ ତାଙ୍କ ମୁଣ୍ଡକୁ ବୁଦ୍ଧି ଆସୁ ନାହିଁ ? କଷ୍ଟ ସହି ମୁଁ ନ୍ୟାୟ ପାଇଁ ଲଢ଼େଇ କରିବି ।
ସେମାନେ ଯଦି ସତରେ ମୋତେ ବୋହୂ ଝିଅ ଓ ସ୍ତ୍ରୀ ବୋଲି ଭାବୁଥାନ୍ତେ ତା ହେଲେ ଏତେ ବଡ଼ ଘରେ କେଉଁଠି ନା କେଉଁଠି ରହିବା ପାଇଁ ଯାଗା ଟିକେ ଦେଇଥାନ୍ତେ । ତେବେ ତପସ୍ୱିନୀ ଆହୁରି କହିଛନ୍ତି ଉଡ଼ନ୍ତା ଖବର ମୋ ପାଖକୁ ଆସିଛି ଯେ ସ୍ୱାମୀ ଚାହାନ୍ତି ମୋତେ ରଖିବା ପାଇଁ । ହେଲେ ଶ୍ୱଶୁର ବିଭ୍ରାନ୍ତ କରୁଛନ୍ତି । ସ୍ୱାମୀ ଶାଶୁ ଶ୍ୱଶୁର ସମସ୍ତେ ମୋ ଫୋନ୍ ନମ୍ବରକୁ ବ୍ଲକ୍ ଲିଷ୍ଟରେ ପକାଇଛନ୍ତି ।
ମୁଁ ଚାହିଁଥିଲି ତାଙ୍କୁସ୍ୱାମୀ କଲ୍ କରିବା ପାଇଁ ହେଲେ ସେ କାହାର ବି ଫୋନ୍ କଲ୍ ରିସିଭ୍ କରୁ ନାହାନ୍ତି । ପ୍ରମୋଦଙ୍କ ପରିବାର ବିରୋଧରେ ଅଭିଯୋଗ ଆଣି ଡିମ୍ପଲ କହିଛନ୍ତି ତାଙ୍କ(ପ୍ରମୋଦ ସାହୁ)ସାନ ପୁଅ ଡାକ୍ତର ସୁମିତ ସାହୁଙ୍କୁ ସେ ୨୦୨୦ ସେପ୍ଟେମ୍ବର ୭ ତାରିଖରେ କୋର୍ଟ ମ୍ୟାରେଜ୍ କରିଥିଲେ । ଶ୍ୱଶୁର ଘର ଲୋକେ ପୁଣି ବୈଦିକ ରୀତିରେ ବିବାହ କରାଇବାର ମିଛ ପ୍ରତିଶ୍ରୁତି ଦେଇ ତାଙ୍କୁ ବାପ ଘରକୁ ପଠାଇ ଦେଇଥିଲେ ।
ଏହାପରେ ଶ୍ୱଶୁର ଘର ଲୋକେ ତାଙ୍କୁ ଠକି ଚାଲିଛନ୍ତି । ବିବାହ ପାଇଁ ଦୁଇ ଦୁଇଟି ତାରିଖ ଦେଇ ବି କଥା ରଖିନଥିବାରୁ ସେ ଶ୍ୱଶୁର ଘର ସାମ୍ନାରେ ଧାରଣା ଦେଇଛନ୍ତି ବୋଲି ଡିମ୍ପଲ(ତପସ୍ୱିନୀ) କହିଛନ୍ତି । ତେବେ ବର୍ତ୍ତମାନ ଦେଖିବାର ଅଛି କି ତପସ୍ୱିନୀ ଙ୍କୁ କେବେ ମିଳୁଛି ନ୍ୟାୟ ଏବଂ ସେ କେବେ ନିଜ ଶାଶୂ ଘରକୁ ଯାଉଛନ୍ତି । ତେବେ ଖବର ଟି କିପରି ଲାଗିଲା ନିଜର ମତାମତ ନିଶ୍ଚିତ ଜଣାନ୍ତୁ ।
