ନମସ୍କାର ବନ୍ଧୁଗଣ ତେବେ ରୁଷ-ୟୁକ୍ରେନ ମଧ୍ୟରେ ଲଢେଇ ଦିନକୁ ଦିନ ଆହୁରି ଭୟଙ୍କର ହେବାରେ ଲାଗିଛି । ଦୁନିଆ ଏବେ ଏହାକୁ ନେଇ ଆଶଙ୍କିତ ଯେ, ଯୁଦ୍ଧ ଅଧିକ ଦିନ ଚାଲିଲେ ସମଗ୍ର ଦୁନିଆରେ ସଙ୍କଟରେ ପଡିଯିବ । କାରଣ ଯୁଦ୍ଧରେ ଅନେକ ଦେଶ ସାମିଲ୍ ହୋଇ ପାରନ୍ତି । ଏହା ମଧ୍ୟରେ ଭାରତ ସମେତ ଅନ୍ୟ ଦେଶର ଜନତା ଏହି ସଙ୍କଟ ଟାଳିବାକୁ ପ୍ରାର୍ଥନା କରୁଛନ୍ତି । ଆଜି ଭାରତରେ ମହାଶିବରାତ୍ରି ପାଳନ ହେଉଛି ।
ଭାରତରେ ଅବସ୍ଥାପିତ ୟୁକ୍ରେନ ରାଷ୍ଟ୍ରଦୂତ କହିଛନ୍ତି, ଭାରତରେ ଥିବା ଶିବଭକ୍ତ ଏହି ଯୁଦ୍ଧ ବନ୍ଦ କରିବା ପାଇଁ ଭଗବାନ ଶିବଙ୍କ ପ୍ରାର୍ଥନା କରନ୍ତୁ । ନୂଆଦିଲ୍ଲୀରେ ମିଡିଆ ସହ ଆଲୋଚନା ବେଳେ ଭାରତରେ ୟୁକ୍ରେନର ରାଷ୍ଟ୍ରଦୂତ ଇଗୋର ପୋଲିଖା ଉପରୋକ୍ତ ଟିପ୍ପଣୀ କରିଛନ୍ତି । ଏହାର ଭିଡିଓ ମଧ୍ୟ ସାମ୍ନାକୁ ଆସିଛି । ସେ କହୁଛନ୍ତି ଭାରତରେ ଆଜି ମହାଶିବରାତ୍ରି ଉତ୍ସବ । ମୋର ନିବେଦନ ଆପଣ ଶିବଙ୍କୁ ଏହି ଯୁଦ୍ଧ ସମାପ୍ତି ପାଇଁ ପ୍ରାର୍ଥନା କରନ୍ତୁ ।
ଫଳରେ ୟୁକ୍ରେନବାସୀ ଏହି ସଙ୍କଟରୁ ମୁକୁଳି ପାରିବେ । ତେବେ ସେ ଏହା ମଧ୍ୟ କହିଛନ୍ତି, ୟୁକ୍ରେନରେ ପ୍ରତି ଦିନ ଚାରିଆଡୁ ଗୁଳିମାଡ ହେଉଛି । ଲୋକଙ୍କ ଧନ ଜୀବନ ବରବାଦ ହେଉଛି । ବିଡମ୍ବନାର କଥା ୟୁକ୍ରେନରେ ଆଜି ଏମିତି ଅବସ୍ଥା ଉପୁଜିଛି । ଏହା ପୂର୍ବରୁ ଇଗୋର ପୋଲିଖା ଭାରତକୁ ଏହି ମାମଲାରେ ହସ୍ତକ୍ଷେପ କରିବାକୁ ଅନୁରୋଧ କରିଥିଲେ ।
ସେ କହିଥିଲେ, ଅନ୍ତର୍ଜାତୀୟ ମୋର୍ଚ୍ଚାରେ ଭାରତର ପତିଆରା ବଢିଛି । ଆମେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କଠୁ ଆଶା କରୁଛୁ ଯେ, ସେ ଏହି ମାମଲାରେ ହସ୍ତକ୍ଷେପ କରନ୍ତୁ । ବର୍ତ୍ତମାନ ଇଗୋର ପୋଲିଖାଙ୍କ ମହାଶିବରାତ୍ରିରେ ଶିବ ଭକ୍ତଙ୍କୁ କରିଥିବା ଅପିଲର ଭିଡିଓ ଖୁବ୍ ଭାଇରାଲ୍ ହୋଇଛି । ତେବେ, ୟୁକ୍ରେନର ସହାୟତା ଲୋଡ଼ିବା ପରେ ପ୍ରତିରକ୍ଷା ବିଶେଷଜ୍ଞ ମାନେ କହିଛନ୍ତି ଯେ, ଭାରତର ସାହାଯ୍ୟ ଲୋଡି଼ ଥିବାରୁ ଭାରତ ଖୁସି ହେବ ।
କିନ୍ତୁ ପ୍ରଶ୍ନ ଉଙ୍କି ମାରୁଛି ଯେ ୟୁକ୍ରେନ ଭାରତକୁ କ’ଣ ଦେଇଛି । ଯାହା ପାଇଁ ଭାରତ ଏବେ ଋଷ ସହିତ କଥାବାର୍ତ୍ତା କରିବ । ସର୍ବଶେଷରେ, ୟୁକ୍ରେନ ଋଷ ସହିତ କେଉଁ ପ୍ରସଙ୍ଗରେ ବୁଝାମଣା କରିବାକୁ ଚାହୁଁଛି ? ଏଥିସହିତ ଭାରତୀୟ ପ୍ରତିରକ୍ଷା ବିଶେଷଜ୍ଞ ଲେଫ୍ଟ ଜେନେରାଲ ରାକେଶ ଶର୍ମା କହିଛନ୍ତି ଯେ, ଭାରତ ମଝିରେ ପସିବା ଉଚିତ ନୁହେଁ, କାରଣ ଋଷ ଅତ୍ୟନ୍ତ ଚିନ୍ତିତ ଭାବରେ ଆକ୍ରମଣ କରିଛି ଏବଂ ଭାରତ ଏଥିରେ ହସ୍ତକ୍ଷେପ କରିବାର ସମୟ ନୁହେଁ । ଏଥିରେ ହସ୍ତକ୍ଷେପ କରିବା ଉଚିତ୍ ନୁହେଁ । ତେବେ ଏହା ଉପରେ ଆପଣଙ୍କ ମତାମତ କଣ ନିଶ୍ଚିତ ଜଣାନ୍ତୁ ।
