ବନ୍ଧୁଗଣ ନମସ୍କାର, ବନ୍ଧୁଗଣ ତୁଳସୀ ଦୁଇ ପତ୍ର ରୁ ବାସିଲା ଭଳି ପିଲାଟି ଦିନରୁ ବିଚକ୍ଷଣ ପ୍ରତିଭା । ବିଭିନ୍ନ ଇଂରାଜୀ ଶବ୍ଦ ଭାଷା ଏବଂ ଗୀତ ଗୁଡ଼ିକୁ ଗାଇ ଆଜି ଇଣ୍ଡିଆ ବୁକ ଅଫ ରେକର୍ଡ ରେ ସ୍ଥାନ ପାଇଛନ୍ତି । ତାଙ୍କ ପାଖରେ ରହିଛି ବହୁ ବିଚକ୍ଷଣ ପ୍ରତିଭା । ଯିଏ କି ଇଂରାଜୀ ଶବ୍ଦ ଏବଂ ୧ ରୁ ୧୦୦ ସଂଖ୍ୟା କୁ ଉଭୟ ଆଗ ଓ ପଛ ପଟୁ କହିଛନ୍ତି । ଏହା ସହିତ ୩୦ ରୁ ଉର୍ଦ୍ଧ୍ବ ଇଂରାଜୀ କବିତା ଗାଇ ସେ ଇଣ୍ଡିଆ ବୁକ ଅଫ ରେକର୍ଡ ରେ ସ୍ଥାନ ପାଇଛନ୍ତି ।
ସେ ହେଉଛନ୍ତି ବ୍ରହ୍ମପୁର ନୀଳାଚଳ ନଗର ଚତୁର୍ଥ ଲାଇନ ର ଆରବ ପଟ୍ଟନାୟକ ଦାସ । ନିଜର ଏହି ପ୍ରତିଭା ପାଇଁ ସେ ସମସ୍ତଙ୍କ ପ୍ରଶଂସା ର ପାତ୍ର ସାଜିଛନ୍ତି । ଏଭଳିକି ବଡ଼ ବଡ଼ ନେତା ମାନେ ମଧ୍ୟ ତାଙ୍କର ପ୍ରଶଂସା କରିଛନ୍ତି । ମାତ୍ର ୪ ବର୍ଷ ବୟସରେ ଏଭଳି ପ୍ରତିଭା ପ୍ରସ୍ଫୁଟିତ ହୋଇଛି ଆରବ ଙ୍କ ମଧ୍ୟରେ । ଏହା ବ୍ୟତୀତ ଡାନ୍ସ ଏବଂ ଏକ୍ସରସାଇଜ ରେ ମଧ୍ୟ ତାଙ୍କର ରୁଚି ରହିଛି ବୋଲି ଆରବ କହିଥିଲେ ।
ସେ ଏହା ମଧ୍ୟ କହିଥିଲେ ଯେ ତାଙ୍କୁ ଏହି ସବୁ ଶିଖାଇବା ପଛରେ ତାଙ୍କ ବାପା ମାଆ ଓ ଅନ୍ୟାନ୍ୟ ପରିବାର ବର୍ଗ ଙ୍କ ହାତ ରହିଛି । ବହୁତ ଆଗରୁ ସେ ଏସବୁ ପ୍ରାକ୍ଟିସ କରିଛନ୍ତି ବୋଲି ମଧ୍ୟ କହିଛନ୍ତି । ତାଙ୍କ କହିବାନୁସାରେ ପ୍ରଥମେ ସେ ଇଂରାଜୀ ରେ କହିପାରୁ ନଥିଲେ । କିନ୍ତୁ ବର୍ତ୍ତମାନ ଚେଷ୍ଟା କରିବା ପରେ ସ୍ପଷ୍ଟ ଭାବରେ କହିପାରୁଛନ୍ତି ।
ଏହି ସମ୍ବନ୍ଧରେ ଯେତେବେଳେ ଆରବ ଙ୍କ ମାଆ ଙ୍କୁ ପଚରା ଯାଇଥିଲା ସେ କହିଥିଲେ ଯେ, ଆରବ ଛୋଟବେଳୁ ହିଁ ପାଠପଢ଼ା ପ୍ରତି ଗଭୀର ରୁଚି ରଖୁଥିଲେ । ତାଙ୍କୁ ଯେ କୌଣସି ପାଠ ସମ୍ବନ୍ଧୀୟ ଶିକ୍ଷା ପ୍ରଦାନ କରାଯାଏ ତାହା ସେ ମନ ଧ୍ୟାନ ର ସହିତ ଶୁଣନ୍ତି । ଆରବ ଙ୍କ ମଧ୍ୟରେ ଥିବା ଏହି ପ୍ରତିଭା କୁ ଦେଖି ତାଙ୍କ ପିତାମାତା ଇଣ୍ଡିଆ ବୁକ ଅଫ ରେକର୍ଡ ରେ ଆପ୍ଲାଏ କରିଥିଲେ ।
ଆରବ ଙ୍କ ମାଆ କହିଥିଲେ ଯେ, ସେ ଏହା ଚାହାନ୍ତି ତାଙ୍କ ପୁଅ ଜଣେ ଭଲ ମଣିଷ ହେଉ । ଯେଉଁ କାରଣରୁ ସେ ବର୍ତ୍ତମାନ ଠାରୁ ତାଙ୍କୁ ଉଚିତ ଶିକ୍ଷା ପ୍ରଦାନ କରୁଛନ୍ତି । ଛୋଟବେଳୁ ହିଁ ତାଙ୍କ ମଧ୍ୟରେ ଅନେକ ଭାଷା କୁ ନେଇ ଗଭୀର ଜ୍ଞାନ ରହିଛି । ଏହି ପ୍ରତିଭା କୁ ଇଣ୍ଡିଆ ବୁକ ଅଫ ରେକର୍ଡ ଚିହ୍ନଟ କରି ଆରବ ଙ୍କୁ ସ୍ଥାନ ଦେଇଛି ।
