କରୋନା ଭାଇରସ କୁ ନେଇ ସାରା ବିଶ୍ଵରେ ହାହାକାର ପଡି ଥିବା ସମୟରେ ଚୀନ ଏକ କମ ଶକ୍ତିଶାଳି ପରମାଣୁ ବୋମାର ପରୀକ୍ଷା କରୁଛି ବୋଲି ଆମେରିକା ଅଭିଯୋଗ କରିଛି । ଅନ୍ତରାଷ୍ଟ୍ରୀୟ ବୈଠକରେ ଏହି ଭଳି ବିସ୍ଫୋଟକ ନ କରିବା ପାଇଁ ମନା କରାଯାଇ ଥିବା ପରେ ବି ଚୀନ ଏହି ଭଳି ପଦକ୍ଷେପ ନେଇଛି ବୋଲି ଆମେରିକା କହିବା ବେଳେ ଚୀନ ଏହାକୁ ସ୍ଵୀକାର କରି ନାହିଁ । ପ୍ରଥମେ ଟ୍ରେଡ ବାର ଏବଂ ପରେ ଆମେରିକାରେ ସର୍ବାଧିକ କରୋନା ସଂକ୍ରମିତ ଙ୍କ ମୃତ୍ୟୁ କାରଣରୁ ଆମେରିକା ଏବଂ ଚୀନ ମଧ୍ୟରେ ଶତ୍ରୁତା ସୃଷ୍ଟି ହୋଇଛି ।
ଆମେରିକା ତରଫରୁ ଏହି ବିସ୍ଫୋଟକ ପରୀକ୍ଷଣ କରିବାର ଆରୋପ ଅଧିକ ଶତ୍ରୁତା ସୃଷ୍ଟି କରିବାର ଆଶଙ୍କା ହୋଇଛି । ୱାଲ ଷ୍ଟିଟ ଜର୍ନଲ ଦ୍ଵାରା ଚୀନ କରିଥିବା ଏହି ବିସ୍ଫୋଟକ ବିଷୟରେ ପ୍ରଥମେ ପ୍ରକାଶିତ ହୋଇଥିଲା । ଆମେରିକାର ବିଦେଶ ବିଭାଗ କହିଛି କି ଚୀନର ପରମାଣୁ ସଂରକ୍ଷଣ ସ୍ଥାନର ଗତିବିଧି କୁ ଲକ୍ଷ କରି ଆଶଙ୍କା କାରାଯାଉଛି କି ଚୀନ ‘ଜିରୋ ୟିଲ୍ଡ’ ର ନିୟମ ଉଲଂଘନ କରୁଛି ।
ଜିରୋ ୟିଲ୍ଡ ନିୟମ ଅନୁସାରେ ଏପରି ପରମାଣୁ ପରୀକ୍ଷାର ଅନୁମତି ଅଛି ଯେଉଁଥିରେ ବିସ୍ଫୋରକ ଜିନିଷର ପରୀକ୍ଷଣ ଦ୍ଵାରା ତାହାର କୌଣସି ପ୍ରକାରର ପ୍ରତିକ୍ରିୟା ହେବ ନାହିଁ । ଏହି ଆରୋପ ଲଗାଇବା ସମୟରେ ସେଥିପ୍ରତି କୌଣସି ସଠିକ ପ୍ରମାଣ ନ ଥିବା ବେଳେ ଏଥିରେ କୁହାଯାଇଛି କି ଚୀନ ଜିରୋ ୟିଲ୍ଡ ନିୟମର ଉଲଂଘନ କରୁଛି ।
୧୯୯୬ ମସିହାରେ ପରମାଣୁ ହତିଆର ର ସୁରକ୍ଷା ଦିଗକୁ ଦୃଷ୍ଟି ରେ ରଖି କମ୍ପ୍ରେସିଭ ଟେଷ୍ଟ ବ୍ୟାନ କରା ଯାଇଥିଲା । ଚୀନ ଏହି ନିୟମର ପାଳନ କରିବା ସହିତ ଏହି ନିୟମ ଉପରେ ନଜର ରଖିଥିବା ମନିଟର ସେଣ୍ଟର କୁ ଆସୁଥିବା ଡାଟାକୁ ଅଧାରୁ ଚୋରୀ କରି ତାର ପାରଦର୍ଶିତା ଉପରେ ପ୍ରଭାବ ପକାଇଛି । ସିସିଟିଭି ର ରକ୍ଷଣା ବେକ୍ଷଣ ଦାୟିତ୍ଵରେ ଥିବା କର୍ମଚାରୀ କହିଛନ୍ତି ଚୀନରେ ଲାଗିଥିବା ୫ଟି ସେନ୍ସରର ଡାଟା ୨୦୧୮ ମସିହାରେ ଠିକ ଭାବେ ମିଳି ନଥିଲା । କିନ୍ତୁ ୨୦୧୯ ମସିହା ଅଗଷ୍ଟ ମାସରେ ଏହି ଡାଟା ପ୍ରାପ୍ତ କରିବାରେ କୌଣସି ଅସୁବିଧାର ସମୁଖୀନ ନ ହୋଇ ଠିକ ଭାବେ ମିଳି ପାରିଛି ।
