ପିଲା ଟିଏ ଘରେ ଜନ୍ମ ହେଲେ ନିଜ ସାଥେ ଘରକୁ ନେଇ ଆସେ ଅସରନ୍ତି ଖୁସି । ସେ ହସିଲେ ବାପା ମା ହସନ୍ତି ଓ ସେ କାଣ୍ଡିଳେ ବାପା ମା ଙ୍କୁ ମଧ୍ୟ କଷ୍ଟ ହୁଏ । ପିଲାଟି ନିଜ ମୋହର ଡୋରିରେ ଘର ପରିବାର ସମସ୍ତଙ୍କୁ ବାନ୍ଧି ରଖେ ।
ହେଲେ ଅନେକ ସମୟରେ ବିଧିର ବିଧାନ କିଛି ଅଲଗା ରହିଥାଏ । କେବେ କେବେ ବହୁତ କମ ଦିନର ଅତିଥି ହୋଇ ଦୁନିଆକୁ ଆସିଥାନ୍ତି ଏହି ଛୋଟ ଶିଶୁମାନେ । ଏହିପରି ଏକ ବିରଳ ରୋଗରେ ପୀଡିତ କୁନି ଶିଶୁ ଟି ବାପା ମା ଙ୍କୁ କନ୍ଦେଇ ଦୁନିଆ ଛାଡି ଚାଲି ଯାଇଛି ଆରପାରିକୁ । 16 କୋଟି ଟଙ୍କାର ଇଂ-ଜେ-କ-ସ-ନ ଓ କୋଟି କୋଟି ଲୋକଙ୍କ ପ୍ରାର୍ଥନା ଏବଂ ଆଶୀର୍ବାଦ ପରେ ମଧ୍ୟ ଜୀବନ ଯୁଦ୍ଧରେ ହାରିଗଲା ଏଇ କୁନି ଝିଅ । ମାତ୍ର ୧୩ ମାସର ଝିଅ ବେଦିକାର ତୁଟିଗଲା ଜୀବନ ଡୋରି ।
ବେଦିକାଙ୍କୁ ଆର୍ଥିକ ସହାୟତା କରିଥିବା ଶୁଭେଚ୍ଛୁଙ୍କ ମହଲରେ ଖେଳି ଯାଇଛି ବିଷାଦର ଛାୟା । ବେଦିକା ସ୍ୱାସ୍ଥ୍ୟବସ୍ଥା ବିଲକୁଲ ଠିକ ଥିଲା । କୁନି ଝିଅର ଖିଲିଖିଲି ହସରେ ଘର ପୁରି ଯାଉଥିଲା । ମା ଙ୍କ ସହ ଗୁରୁଣ୍ଡି ଗୁରୁଣ୍ଡି ଖେଳୁଥିଲା ବେଦିକା । କିନ୍ତୁ ହଠାତ ମାଡି ଆସିଥିଲା କାଳର କଳା ଛାଇ । ଦିନେ ଅଚାନକ ବେଦିକାର ଅକ୍ସିଜେନ ସ୍ତର କମିଗଲା । ବେଦିକାକୁ ତୁରନ୍ତ ପାଖ ହସ୍ପିଟାଲରେ ଭର୍ତ୍ତି କରାଗଲା । ଡାକ୍ତରଙ୍କ ଅଦମ୍ୟ ଚେଷ୍ଟା ସତ୍ତ୍ୱେ ମଧ୍ୟ ବଞ୍ଚି ପାରିଲାନି ବେଦିକା ।
ବେଦିକାଙ୍କ ବୟସ ମାତ୍ର ୧୩ ମାସ । ହେଲେ ନିଜ ବିରଳ ରୋଗ ଯୋଗୁଁ ଚର୍ଚ୍ଚାରେ ଥିଲେ ପୁନେର କୁନି ଝିଅ ବେଦିକା ସିନ୍ଧେ । କୁନି ଝିଅ ବେଦିକାଙ୍କୁ ମାତ୍ର ୪ ମାସ ହୋଇଥିବା ବେଳେ ଜଣାପଡିଲା କି, ସେ ସ୍ପାଇନାଲ ମସ୍କ୍ଯୁଲାର ଏଟ୍ରୋଫି ପରି ବିରଳ ରୋଗରେ ପୀଡିତ ଅଛନ୍ତି । ଯେଉଁ ରୋଗରୁ ଆରୋଗ୍ଯ ହେବା ମଧ୍ୟ ଏକ ବିରଳ ଘଟଣା ଓ ଏହି ରୋଗର ଚିକିତ୍ସା ମଧ୍ୟ ଖୁବ ବ୍ୟୟ ବହୁଳ । ତଥାପି ନିଜ ଝିଅକୁ ବଞ୍ଚାଇବା ପାଇଁ ପ୍ରାଣପାନେ ଚେଷ୍ଟା କରିଥିଲେ ବାପା ସୌରଭ ସିନ୍ଧେ ।
ସେ ସୋସିଆଲ ମିଡିଆରେ ବେଦିକାଙ୍କ ନିମନ୍ତେ ଆର୍ଥିକ ସହାୟତା ପାଇଁ ଅନୁରୋଧ କଲେ ଓ ଦେଶ ବିଦେଶର ହିତାକାଂକ୍ଷୀଙ୍କ ଠାରୁ ଯୋଗାଡ ହୋଇଥିଲା ଟଙ୍କା । ବେଦିକାଙ୍କ ଚିକିତ୍ସା ପାଇଁ ଆମେରିକାରୁ ଆସିଥିଲା ଇଂ-ଜେ-କ-ସ-ନ । ଭାରତ ସରକାର ଏହା ଉପରୁ ଶୁଳ୍କ ମଶଯ ଛାଡ କରିଦେଲେ । ଜୁନ ମାସରେ ପୁନେସ୍ଥିତ ଦିନାନାଥ ମଙ୍ଗେସକର ହସ୍ପିଟାଲରେ ବେଦିକାଙ୍କୁ ଦିଆ ଯାଇଥିଲା ଏହି ଇଂ-ଜେ-କ-ସ-ନ ।
ଏହାପରେ ଧୀରେ ଧୀରେ ସୁଧୁରିଥିଲା ବେଦିକାର ସ୍ୱାସ୍ଥ୍ୟ । କିନ୍ତୁ ବିଧିର ବିଧାନ କିଏ ବା ବୁଝିପାରେ । ଏବେ ବେଦିକା ହଠାତ ଅସୁସ୍ଥ ହୋଇଯିବା ପରେ ତାଙ୍କୁ ପୁନର୍ବାର ଭର୍ତ୍ତି କରା ଥିଲା ହସ୍ପିଟାଲରେ । ଡାକ୍ତରଙ୍କ ଅଦମ୍ୟ ଚେଷ୍ଟା ସତ୍ତ୍ୱେ ଚାଲିଗଲା କୁନି ଝିଅ ବେଦିକାର ଜୀବନ । ଏହି ଖବର ତାଙ୍କ ଶୁଭେଚ୍ଛୁ ଙ୍କୁ ବ୍ୟଥିତ କରିଛି ।
ଏନେଇ କିଛି ଲୋକ ଡାକ୍ତରଙ୍କ ଉପର ପ୍ରଶ୍ନ ଉଠାଉଥିବା ବେଳେ ଏପରି ନ କରିବାକୁ କିନ୍ତୁ ଅନୁରୋଧ କରିଛନ୍ତି ବେଦିକାଙ୍କ ବାପା । ଏଥିରେ ଆପଣ ମାନଙ୍କ ମତାମତ କଣ ଆମକୁ ନିଶ୍ଚୟ କମେନ୍ଟ କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜକୁ ଲାଇକ କରନ୍ତୁ, ଧନ୍ୟବାଦ
