ବନ୍ଧୁଗଣ ବର୍ଷା ରେ ବନ୍ୟା ଯୋଗୁଁ ବନ୍ୟା ଜଳ ରେ ବୁଡିଲା ପିପିଲି ବ୍ଲକର ତିରିଶ ରୁ ଉର୍ଦ୍ଧ୍ବ ଗ୍ରାମ । ଗାଁ ଦାଣ୍ଡରେ ଅଣ୍ଟାଏ ପାଣି, ଉଚ୍ଚ ସୁଅ ସାଙ୍ଗକୁ ଘର ଦ୍ୱାର, ଦୋକାନରେ ବି ବନ୍ୟା ପାଣି ପସି ଲହଡି ଭାଙ୍ଗିଲା । ପିପିଲି ବ୍ଲକର ଭାରତିପୁର ,ହାଟସାହି, ପାଣିଦୋଳ, କଣ୍ଟି, ପଞ୍ଚାୟତ ର ୩୦ରୁ ଉର୍ଦ୍ଧ ଗାଁ ରେ ବନ୍ୟା ପାଣି ପସିଯାଇଛି । ଫଳରେ ଲୋକେ ନାହିଁ ନଥିବା ଅସୁବିଧାର ସମ୍ମୁଖିନ ହେଉଛନ୍ତି ।
ଘରେ ପଣି ପସି ଯିବାରୁ ଲୋକେ ପିଲା ଛୁଆ , ଗୃହ ପାଳିତ ପଶୁମାନଙ୍କୁ ନେଇ ଉଚ୍ଚ ସ୍ଥାନକୁ ଚାଲି ଯାଇଛନ୍ତି । ଆଉ କେତେକ ଲୋକମାନେ ଗାଁ ର ସ୍କୁଲ ଘରେ ଅଶ୍ରୟ ନେଇଛନ୍ତି । ଗତ କିଛି ଦିନ ହେବ ହାଟିସାହି ଗାଁରେ ପଣି ପସିଥିବା ବେଳେ ଲୋକଙ୍କ ଘରେ ଚୁଲି ଜଳି ପାରୁନାହିଁ । ବନ୍ୟା ବିପନ୍ନ ଲୋକ ମାନଙ୍କୁ ଗାଁ ର ସରପଞ୍ଚ ରନ୍ଧା ଖାଦ୍ୟ ଦେଉଥିବା ବେଳେ ପାଣି ଘେରରେ ରହୁଥିବା ଲୋକେ ଜିଲ୍ଲା ପ୍ରଶାସନ ର ସହଯୋଗ କୁ ଚାହିଁ ବସିଛନ୍ତି ।
କିନ୍ତୁ ଆପଣ ମାନଙ୍କୁ କହିବାକୁ ଚାହିଁବୁ ଯେ, ବର୍ତ୍ତମାନ ପିପିଲି ବିଧାୟକ ରୁଦ୍ର ମହାରଥୀ ନିଜେ ଏକ ଡ଼ଙ୍ଗା ସାହାଯ୍ୟ ରେ ସମ୍ପୂର୍ଣ୍ଣ ବନ୍ୟା ଅଞ୍ଚଳ କୁ ବୁଲୁଛନ୍ତି । ତେବେ ସେ ଲୋକ ମାନଙ୍କ ପାଖରେ ପହଁଚି ସେମାନଙ୍କୁ ଉଦ୍ଧାର କରୁଛନ୍ତି ଏବଂ ସମସ୍ତ ଙ୍କୁ ସେ ଆଶ୍ୱାସନା ଦେଉଛନ୍ତି ଏବଂ ତାଙ୍କର ଖାଦ୍ୟ ପାନୀୟ ର ବ୍ୟବସ୍ଥା ମଧ୍ୟ ବୁଝୁଛନ୍ତି । ହାଟିସାହି ର ବିଭିନ୍ନ ଅଞ୍ଚଳ କୁ ବୁଲିବୁଲି ସେ ଗ୍ରାମବାସୀ ଙ୍କୁ ସହଯୋଗ ର ହାତ ବଢ଼ାଇଛନ୍ତି ଏବଂ ଏହା ଆଶା ଦେଇ କହିଛନ୍ତି ଯେ, ସେ ଥିବା ପର୍ଯ୍ୟନ୍ତ କୌଣସି ଅସୁବିଧା ହେବ ନାହିଁ ।
ତେବେ ହୀରାକୁଦ, ମୁଣ୍ଡଳିରୁ ଜଳସ୍ତର କମୁଛି । ଆହୁରି କମିବା ନେଇ ଆକଳନ କରାଯାଉଥିବା ବେଳେ ଜଳସେଚନ ବିଭାଗର ସର୍ବୋଚ୍ଚ ଯନ୍ତ୍ରୀ କହିଛନ୍ତି, ବନ୍ୟା ସ୍ଥିତି ଆହୁରି ୪ରୁ ୫ଦିନ ଲାଗି ରହିବ । ମହାନଦୀକୁ ଛାଡି ଅନ୍ୟ ନଦୀର ଜଳସ୍ତର କମୁଛି । ବର୍ତ୍ତମାନ ମୁଣ୍ଡଳିରେ ଜଳସ୍ତର କମିବାରେ ଲାଗିଛି । ୧୪ଟି ଗେଟର ପାଣି ବରମୂଳ ଅତିକ୍ରମ କଲାଣି । ଆଜି ସନ୍ଧ୍ୟାରେ ମୁଣ୍ଡଳିରେ ପହଞ୍ଚିବ ହୀରାକୁଦ ଜଳ ।
ପାଖାପାଖି ୧୦ଲକ୍ଷ କ୍ୟୁସେକ୍ ଜଳ ପ୍ରବାହିତ ହେବ । ୩ରୁ ୪ଦିନ ଭିତରେ ୮ରୁ ୯ ଲକ୍ଷ କ୍ୟୁସେକ୍ ବନ୍ୟାଜଳ ପ୍ରବାହିତ ହେବ । ହୀରାକୁଦରେ ଯେତିକି ଗେଟ୍ ଖୋଲାଯାଇଛି ସେଥି ମଧ୍ୟରୁ କେତୋଟି ଗେଟ୍ ବନ୍ଦ କରାଯିବ ସେନେଇ ଆଜି ସନ୍ଧ୍ୟା ସୁଦ୍ଧା ନିସ୍ପତ୍ତି ନିଆଯିବ । ଯେହେତୁ ହୀରାକୁଦରେ ଜଳସ୍ତର କମୁଛି ତେଣୁ ଏହାକୁ ଦୃଷ୍ଟିରେ ରଖି ହୀରାକୁଦ ଗେଟ୍ ବନ୍ଦ କରାଯିବ ନେଇ ନିସ୍ପତ୍ତି ନିଆଯିବ ଏବଂ ବର୍ଷାକୁ ଦେଖି ଗେଡ୍ ଖୋଲାଯିବ ବୋଲି ସୂଚନା ଦେଇଛନ୍ତି ଜଳସେଚନ ବିଭାଗର ସର୍ବୋଚ୍ଚ ଯନ୍ତ୍ରୀ ।
ସୂଚନା ଅନୁଯାୟୀ, ହୀରାକୁଦ ଜଳଭଣ୍ଡାରରେ ଏବେ ଜଳସ୍ତର ୬୨୪.୬୯ଫୁଟ୍ ରହିଛି । ଏବେ ବି ହୀରାକୁଦ ଜଳଭଣ୍ଡାରରୁ ୪୦ଟି ସୁଇସ୍ ଗେଟ ଦେଇ ବନ୍ୟା ଜଳ ନିଷ୍କାସିତ ହେଉଛି । ପ୍ରତି ସେକେଣ୍ଡରେ ଜଳଭଣ୍ଡାରକୁ ୪ଲକ୍ଷ ୬୬ହଜାର ୫୭୪ କ୍ୟୁସେକ ଜଳ ପ୍ରବେଶ ହେଉଛି । ସେହିଭଳି ଖଇରାମାଳରେ ୮ଲକ୍ଷ ୭୦ହଜାର କ୍ୟୁସେକ ଜଳ ପାସ୍ କରୁଛି । କଟକ ମୁଣ୍ଡୁଳୀରେ ଏବେ ୧୦ ଲକ୍ଷ ୧୮ହଜାର ୩୭୨ କ୍ୟୁସେକ ବନ୍ୟା ଜଳ ପ୍ରବାହିତ ହେଉଛି । ତେବେ ଆସନ୍ତା ସମୟ ରେ କଣ ସ୍ଥିତି ହେବ ତାହା ଭବିଷ୍ୟତ ରେ ହିଁ ଜଣା ପଡ଼ିବ ।
