ନମସ୍କାର ବନ୍ଧୁଗଣ ତେବେ ରାଜ୍ୟର ପ୍ରମୁଖ ଶିକ୍ଷାନୁଷ୍ଠାନ ଭୁବନେଶ୍ୱର ବିଜେବି ସ୍ବୟଂଶାସିତ ମହାବିଦ୍ୟାଳୟର କାରୁବାକୀ ଛାତ୍ରୀନିବାସ ଅନ୍ତେବାସୀ ରୁଚିକା ମହାନ୍ତି ସିନିୟର ଛାତ୍ରୀମାନଙ୍କ ର଼୍ୟାଗିଂ ସହି ନ ପାରି ଶନିବାର ଆତ୍ମହତୟଆ କରିବା ଘଟଣା ସମସ୍ତଙ୍କୁ ଦୋହଲାଇ ଦେଇଛି । ଆଇଏଏସ୍ ଅଫିସର ହେବାର ସ୍ବପ୍ନ ଦେଖୁଥିବା ମେଧାବୀ ଛାତ୍ରୀ ରୁଚିକା ଯୁକ୍ତ୩ (ଇତିହାସ ସମ୍ମାନ) ପ୍ରଥମ ବର୍ଷ ଛାତ୍ରୀ । ତାଙ୍କ ଘର କଟକ ଜିଲା ଆଠଗଡ଼ ଅଞ୍ଚଳରେ ।
ସେ ଏଭଳି ଚରମ ନିଷ୍ପତ୍ତି ନେବା ଘଟଣାକୁ କେହି ସହଜରେ ଗ୍ରହଣ କରିପାରୁନାହାନ୍ତି । ରୁଚିକାଙ୍କ ପକେଟରୁ ଜବତ ସୁଇସାଇଡ୍ ନୋଟ୍ରେ ୩ଜଣ ସିନିୟର ନିର୍ଯାତନା ଦେଇଥିବା ଉଲ୍ଲେଖ ରହିଛି । ତେଣୁ ଉକ୍ତ ୩ ସିନିୟର୍ ଛାତ୍ରୀଙ୍କ ସହ ଘଟଣାରେ ସମ୍ପୃକ୍ତ ଥିବା ଅନ୍ୟମାନଙ୍କୁ ଉଚିତ ଦଣ୍ଡ ଦିଆଯାଉ ବୋଲି ଦାବି ହେଉଛି । ତେବେ ରୁଚିକାଙ୍କ ବାପା ଗଣେଶ୍ୱର ମହାନ୍ତି ସିବିଆଇ ଦ୍ୱାରା ଘଟଣାର ତଦନ୍ତ କରି ସମସ୍ତ ଦୋଷୀଙ୍କୁ କଠୋର ଦଣ୍ଡ ଦେବାକୁ ଦାବି କରିଛନ୍ତି ।
ଘଟଣାକୁ ନେଇ ବଡ଼ଗଡ଼ ଥାନା ପୋଲିସ ଏକ ମାମଲା ରୁଜୁ କରି ତଦନ୍ତ କରୁଛି । ତଦନ୍ତ ପାଇଁ କମିଶନରେଟ ପୋଲିସର ଜଣେ ଅତିରିକ୍ତ ଡିସିପିଙ୍କ ନେତୃତ୍ୱରେ ୪ ଜଣିଆ ଟିମ୍ ଗଠନ ହୋଇଛି । ଉକ୍ତ ଟିମ୍ରେ ଜୋନ ୪ ଏସିପି ପରେଶ କୁମାର ରାଉତ, ଥାନାଧିକାରୀ ବିଶ୍ୱରଞ୍ଜନ ନାୟକ ଏବଂ ଜଣେ ଏସ୍ଆଇ ରହିଛନ୍ତି ।
ତଦନ୍ତକାରୀ ଟିମ୍ର ଅଧିକାରୀମାନେ ହଷ୍ଟେଲ ସୁପରିଣ୍ଟେଣ୍ଡେଣ୍ଟ, ୱାର୍ଡେନ ଓ ଅନ୍ତେବାସୀଙ୍କୁ ପଚରାଉଚରା କରି ବୟାନ ରେକର୍ଡ କରୁଛନ୍ତି । ଜୋନ୍-୪ ଏସିପି ରାଉତ କହିଛନ୍ତି, ଏଯାବତ କୌଣସି ସ୍ପଷ୍ଟ ଚିତ୍ର ଆସିନାହିଁ । ସମସ୍ତଙ୍କ ବୟାନ ରେକର୍ଡ କରାଯାଉଛି, ଯାହା ନିଷ୍କର୍ଷ ବାହାରିବ ଜଣାଇ ଦିଆଯିବ । ରୁଚିକାଙ୍କୁ ଆତ୍ମହତୟଆ ପାଇଁ ଯେଉଁମାନେ ପ୍ରବର୍ତ୍ତାଇଛନ୍ତି ସେମାନେ ନିଶ୍ଚୟ ଦଣ୍ଡ ପାଇବେ ବୋଲି ଏସିପି ରାଉତ କହିଛନ୍ତି ।
ତେବେ ରୁଚିକାଙ୍କ ବାପା ଗଣେଶ୍ୱର ସିବିଆଇ ତଦନ୍ତ ଦାବି କରି କହିଛନ୍ତି, ଦୋଷୀଙ୍କୁ ଚିହ୍ନଟ କରାଯାଇ ଦୃଷ୍ଟାନ୍ତମୂଳକ ଦଣ୍ଡ ଦିଆଯାଉ ଏବଂ ଭବିଷ୍ୟତରେ ମୋ ପରି ଆଉ କୌଣସି ଅଭିଭାବକ ଏପରି ସ୍ଥିତି ନ ଭୋଗନ୍ତୁ ବୋଲି ସେ କହିଛନ୍ତି । ଅନ୍ୟପକ୍ଷରେ ଦୌଡ଼ରାଣୀ ଦୁତୀ ଚାନ୍ଦ ମଧ୍ୟ ର଼୍ୟାଗିଂର ଶିକାର ହୋଇଥିବା କହିଛନ୍ତି । ସେ ଏନେଇ ସାମାଜିକ ଗଣମାଧ୍ୟମର ଏକ ପୋଷ୍ଟ କରିଛନ୍ତି । ଦୁତୀ କହିଛନ୍ତି, ୨୦୦୬ରୁ ୨୦୦୮ ଯାଏଁ ଭୁବନେଶ୍ୱର ସ୍ପୋଟର୍ସ ହଷ୍ଟେଲରେ ରହଣି ସମୟରେ ସେ ସିନିୟରଙ୍କ ର଼୍ୟାଗିଂ ଶିକାର ହୋଇଥିଲେ ।
ସିନିୟରମାନେ ରୁମ୍କୁ ଡାକି ବଡି ମ୍ୟାସେଜ୍ କରାଉଥିଲେ । ଏ ବିଷୟରେ ହଷ୍ଟେଲ କର୍ତ୍ତୃପକ୍ଷଙ୍କୁ ଜଣାଇଥିଲେ ମଧ୍ୟ ତାଙ୍କୁ ଗାଳିଗୁଲଜ କରାଯାଉଥିଲା ବୋଲି ସେ କହିଛନ୍ତି ।
ତେବେ ବର୍ତ୍ତମାନ ଜଣେ ଛାତ୍ରୀ ମିଡ଼ିଆ ଆଗରେ ନିଜ କଥା ରଖିଛନ୍ତି ତେବେ ସେ କହିଛନ୍ତି କି ମୋ ସହ କେବେ ରାଗିଙ୍ଗ ହୋଇ ନାହିଁ ଏବଂ ହୋଇଥିଲେ ମୁଁ ଛାଡି ନଥାନ୍ତି । ତେବେ ଏତେ ବଡ଼ ଲକ୍ଷ୍ୟ ରଖୁଛ ଆଇଏଏସ ହେବାର କିନ୍ତୁ ଯଦି କେହି କିଛି କରୁଛି କି କହୁଛି ତେବେ ଆତ୍ମହତୟଆ କରୁଛ ଏହା ଉଚିତ ନୁହେଁ ।
ଆମ ବାପା ମା ଆମକୁ ବହୁତ କଷ୍ଟରେ ଏଠାକୁ ପଢେଇବା ପାଇଁ ଛାଡିଛନ୍ତି ତେବେ ଏଭଳି ବେକାର ପିଲାଙ୍କ ଯୋଗୁଁ ଆତ୍ମହତୟଆ କରି ନିଜ ବାପା ମାଆ ପରିବାର କୁ କଷ୍ଟ ଦେବା ମୂର୍ଖାମୀ । ତେବେ ଯଦି ସେ ମୃତ୍ୟୁ ପୁର୍ବ ରୁ ନିଜ ସୁଇସାଇଡ଼ ନୋଟ ରେ ସେହି ସିନିୟର ମାନଙ୍କ ନାମ ଲେଖି ଦେଇଥାନ୍ତେ ତେବେ ବହୁତ ଭଲ ହୋଇ ଥାନ୍ତା । ତେବେ ଅନୁରୋଧ କି ଏଭଳି କାର୍ଯ୍ୟ କୌଣସି ପିଲା କରନ୍ତୁ ନାହିଁ । ତେବେ ଏହା ଉପରେ ଆପଣଙ୍କ ମତାମତ କଣ ନିଶ୍ଚିତ ଜଣାନ୍ତୁ ।
