ବନ୍ଧୁଗଣ ନମସ୍କାର, ବନ୍ଧୁଗଣ ପାଟି ରୁ ଜିଭ ବାହାର କରି କାମୁଡ଼ି ଦେଇଛି ଜଗା ଏବଂ କୋଳରେ ଅଛି ତାର ନୂଆ କୁନି ଭଉଣୀ ସୁଭଦ୍ରା । ୬ ଦିନ ହେବ ଜଗା ର କୁନି ଭଉଣୀ ଏହି ଦୁନିଆ କୁ ଆସିଛି ।
ଭାଇ କୁ ସିନା ହରାଇ ଦେଇଛି କିନ୍ତୁ ନିଜ ଭଉଣୀ କୁ ପାଇ ବହୁତ ଖୁସି ରେ ଅଛି ଜଗା । ଏହା ସହିତ ଖୁସି ଅଛନ୍ତି ପୁଷ୍ପାଞ୍ଜଳି ଏବଂ ତାଙ୍କ ସ୍ୱାମୀ । ପୁରି ଉଠିଛି ତାଙ୍କର ପରିବାର । ଏହି କୁନି ଝିଅ ଟି ର ନାମ ଦେଇଛନ୍ତି ସୁଭଦ୍ରା । କନ୍ଧମାଳ ର ଯୋଡ଼ା ମୁଣ୍ଡ ଶିଶୁ ଜଗା ଓ କାଳିଆ ଙ୍କ କାହାଣୀ ସାରା ଦୁନିଆ ଜାଣିଛି । କାଳିଆ ଆଉ ଏହି ଦୁନିଆ ରେ ନାହିଁ । ଜଗା ଏକୁଟିଆ ଥିଲା । କିନ୍ତୁ ଏବେ ଜଗା ଆଉ ଏକୁଟିଆ ନାହିଁ ।
କାରଣ ବର୍ତ୍ତମାନ ଜଗା ସହିତ ଖେଳିବାକୁ ତାର କୁନି ଭଉଣୀ ସୁଭଦ୍ରା ଆସି ପହଞ୍ଚିଛି । ତେବେ ପୁଷ୍ପାଞ୍ଜଳି ଏବଂ ଭୂୟାଁ କହର ଙ୍କ କୋଳ ରେ ଆସିଛି ଏହି କୁନି ଝିଅ ଟି । ଯୋଡ଼ା ମୁଣ୍ଡ ଶିଶୁ ଜଗା କାଳିଆ ଙ୍କ ସଙ୍ଘର୍ଷ ର ଯାତ୍ରା ବହୁତ ହିଁ କଠିନ ଥିଲା । ଦିଲ୍ଲୀ ଏମ୍ସ ରେ ଚାଲିଥିଲା ଏହି ଯୋଡ଼ା ମୁଣ୍ଡ ଶିଶୁ ଙ୍କ ଚିକିତ୍ସା । ଉଭୟ ଙ୍କୁ ଅଲଗା କରାଗଲା ଏବଂ ସୁସ୍ଥ ମଧ୍ୟ କିଛି ସମୟ ରହିଥିଲେ ଏହି ଦୁଇ ଶିଶୁ ।
ପରେ କଟକ ର ଏସସିବି ଅଣାଗଲା ଏହି ଦୁଇ ଜଣ ଶିଶୁ ଙ୍କୁ । କିନ୍ତୁ ବିଧି ର ବିଧାନ ଥିଲା କଠୋର । ଜଗା ସିନା ବଞ୍ଚିଗଲା । ହେଲେ କାଳିଆ ଆଖି ବୁଜିଦେଲା । ସମସ୍ତଙ୍କ ମୁହଁ ଶୁଖିଗଲା ଏବଂ କାନ୍ଦ-କାନ୍ଦ ହୋଇଗଲା ସମ୍ପୂର୍ଣ୍ଣ ପରିବାର ର ମୁହଁ । କାଳିଆ କୁ ହରାଇବା ପରେ ଜଗା ସମ୍ପୂର୍ଣ୍ଣ ରୂପରେ ଏକୁଟିଆ ହୋଇଗଲା । କିନ୍ତୁ ସମୟ ବିତିଲା ଏବଂ ସମୟ ସହିତ ଈଶ୍ଵର ପୁଣି ଆଶୀର୍ବାଦ କରିଲେ ଏହି ଦମ୍ପତ୍ତି ଓ ଜଗା ଙ୍କ ଉପରେ ।
ଏବେ ଏହି ପରିବାର ର ସୌଭାଗ୍ୟ କୁନି ଝିଅ ଟି ଘରକୁ ଆସିଛି ଏବଂ ସମସ୍ତେ କୁନି ଝିଅ କୁ ନେଇ ଖୁସି ମଧ୍ୟ ଅଛନ୍ତି । ଏହା ଭିତରେ ସାତ ଦିନ ହେବ ଝିଅ ବି ଆସି ଗଲାଣି । ଆଉ ଏବେ ଖାଲି ସମସ୍ତଙ୍କ ମୁହଁରେ ହସ ଫୁଟିଛି । ଆପଣ ମାନେ ଏହି ଫଟୋ ମାଧ୍ୟମରେ ଦେଖି ପାରୁଥିବେ କେତେ ଖୁସି ଅଛି ଜଗା ।
ଭିନ୍ନ ଭିନ୍ନ ଫଟୋ ରେ ଜଗା ଙ୍କୁ ଦେଖିବାକୁ ମିଳୁଛି । ମୁଣ୍ଡରେ ହେଲମେଟ ସିନା ପିନ୍ଧିଛି । କିନ୍ତୁ କୁନି ଭଉଣୀ ସମ୍ପୂର୍ଣ୍ଣ ସୁସ୍ଥ ଅଛି । ଏବେ କୁନି ଭଉଣୀ ବଡ଼ ହେବ ଓ ତା’ ସହିତ ସେ ଖେଳିବ । ଏହାପରେ ହିଁ ବୋଧହୁଏ ସେ କାଳିଆ ଙ୍କୁ ହରାଇଥିବା ଦୁଃଖ କୁ ଆଉ ଅନୁଭବ କରିବ ନାହିଁ ।
