ନମସ୍କାର ବନ୍ଧୁଗଣ । ସୂଚନା ମୁତାବକ ଭୁବନେଶ୍ଵର ରାଜଧାନୀର ଘରମାନଙ୍କରେ ପଶିଳା ପାଣି ଏବଂ ଲୋକେ ଘରେ ରହିବାକୁ ଭୟଭୀତ । ତେବେ କେତେକ ଲୋକେ ତାଙ୍କ ପ୍ରତିକ୍ରିୟା ପ୍ରଦାନ କରିଛନ୍ତି । ଲୋକମାନଙ୍କ କହିବା ଅନୁସାରେ ପ୍ରତିବର୍ଷ ବର୍ଷା ହେଲେ ସେମାନଙ୍କୁ ଏଭଳି ସମସ୍ୟା ସମ୍ମୁଖୀନ ହେବାକୁ ପଡେ । ଲୋକେ ବର୍ଷାକୁ ନେଇ ଭୟଭୀତ କାରଣ ଘରମାନଙ୍କରେ ପାଣି ପଶିଆସେ ଯାହା ଦ୍ଵାରା ସେମାନଙ୍କର ଜିନିଷପତ୍ର ଅବାସପତ୍ର ଆଦି ବୁଢିଯିବାର ସମ୍ଭାବନା ରହିଥାଏ ।
ଲୋକମାନେ ନ ରାନ୍ଧି ଗୋଡକୁ ଉପରକୁ କରି ବସିବାକୁ ପଡିଥାଏ । ଘରେ ସାନ ପିଲାମାନେ ରୁହନ୍ତି ଯେଉଁମାନେ ପାଣିକୁ ଦେଖି ଭୟ କରନ୍ତି । କାରଣ ଏହା ସଫା ପାଣି ନୁହେଁ ଯଥା ନଳାନର୍ଦମା ପାଣି ଘରେ ପଶିବାରୁ ସାନ ପିଲାମାନେ ଚଳାବୁଲା କରିବା କ୍ଷତିକାରକ ହୋଇଥାଏ । ସାନ ପିଲାମାନେ ମଧ୍ୟ କହୁଛନ୍ତି କି ଆମକୁ ପାଣି ଦେଖିଲେ ଡର ଲାଗୁଛି କାରଣ କେତେବେଳେ ସାପ ଆସି ଆମକୁ କାମୁଡି ଦେବ ।
ମହିଳାମାନଙ୍କ କହିବା ଅନୁସାରେ ପ୍ରଶାସନ ସଠିକ ରୂପରେ କାମ ନ ଥିବା କାରଣରୁ ଡ୍ରେନେଜ୍ ର୍ରେ କଣା ହେବାରୁ ପାଣି ସବୁ ଘରମାନଙ୍କରେ ପଶୁଛି । ଯାହା ଫଳରେ ବର୍ଷା ଦିନ ହେବା ମାତ୍ରେ ବର୍ଷା ପାଣି ଘର ଭିତରକୁ ପଶିଥାଏ । ଆମେ ଯେତେ କହିଲେ ବି କିଏ ବୁଝିନାହାଁନ୍ତି ଯଦି ପାଣି ବଢେ ତେବେ ଆମେ ସାନ ସାନ ପିଲାମାନଙ୍କୁ ନେଇ କୁଆଡେ ଯିବୁ ଏଭଳି ପଚାରୁଛନ୍ତି ।
ଖରାଦିନମାନଙ୍କରେ ରାସ୍ତା କାମ ଆଦି କରିଲେ ନାହିଁ ଏବେ ବର୍ଷା ଦିନମାନଙ୍କରେ କାମ ଆରମ୍ଭ କରାଯାଉଛି । ଏହା ଦ୍ଵାରା ଫୋଲମାନଙ୍କରେ ପାଣି ଜମି ନଳାରେ ବି ଅତ୍ୟଧିକ ପାଣି ହେଉଛି । ଯାହା ଫଳରେ କି ବାହାରକୁ ଯିବାଆସିବା କଷ୍ଟକର ହେଇଛି । ଲୋକମାନେ ଚୌକି ପକାଇ ବସୁଛନ୍ତି ଏବଂ ଯେପରି ଲାଗୁଛି ସମୁଦ୍ର ମଧ୍ୟରେ ଏମାନେ ରହୁଛନ୍ତି । ଗାଡି ,ମଟର ଆଦି ପାଣିରେ ବୁଢିଗଲାଣି ସବୁ ଆଡେ ଜଳବର୍ଣ୍ଣ ହୋଇଯାଇଛି ।
ସ୍ମାର୍ଟ ସହରରେ ଏଭଳି ପରିସ୍ଥିତି ଦେଖିବାକୁ ମିଳିଛି ଯାହାକୁ ନେଇ ଲୋକେ ଅସନ୍ତୋଷ ପ୍ରକାଶ କରିଛନ୍ତି ଏବଂ ତାଙ୍କ ପ୍ରତି ଧ୍ୟାନ ଦେବା ପାଇଁ ନିବେଦନ କରିଛନ୍ତି ।
