ବନ୍ଧୁଗଣ, ସୂଚନା ଅନୁଯାୟୀ ମଥାରେ ସିନ୍ଦୁର ପିନ୍ଧାଇ ପାଟ ଶାଢୀରେ ବୋଧୂ ବେଶ ସଜାଇ ପୁଅ ବିବାହ କରିଲା ବିଧବା କନ୍ୟା କୁ ବିଧବା କୁ ସଧବା ର ଉପହାର ଦେଇଛନ୍ତି ଜଣେ ବାପା । ଯୌବନ ଅବସ୍ଥାରେ ଜଣେ ଝିଅ ବିଧବା ହୋଇଯିବା କେତେ ଯେ କଷ୍ଟ ଏହାକୁ ଜଣେ ବାପା ଅନୁଭବ କରିଛନ୍ତି । ସେଥିପାଇଁ ସେ ନିଜ ପୁଅ କୁ ସେହି ବିଧବା କନ୍ୟାଙ୍କ ହାତରେ ଟେକି ଦେଇଛନ୍ତି । ଦୁହେଁ ବର୍ତ୍ତମାନ ସାତ ଜନ୍ମର ସାଥି ସ୍ଵାମୀ ସ୍ତ୍ରୀ ।
ତେବେ ଏହିଭଳି ଏକ ସୁନ୍ଦର ଉଦାହରଣ ଦେଖିବାକୁ ମିଳିଛି କଟକ ଜିଲ୍ଲା ସାଲେପୁର ଚନ୍ଦ୍ରାଦେଇପୁର ରେ । ନା ଯୌତୁକ ନା ଜାତକ ଏହି ବାହାଘରରେ କିଛି ମଧ୍ୟ ଦରକାର ହୋଇ ନଥିଲା । ଯାହା ଆବଶ୍ୟକ ହୋଇଥିଲା ତାହା ହେଉଛି ବ୍ରାହ୍ମଣର ମନ୍ତ୍ର ଏବଂ ସାଥିପରିଜନ । ଚନ୍ଦ୍ରାଦେଇପୁର ବିମ୍ବାଧରକରଙ୍କର ପୁଅ ଅମୂଲ୍ୟ କୁମାର ଏହି କଟକ ଜିଲ୍ଲା ନିଶ୍ଚିନ୍ତ କୋଇଲି ଅଞ୍ଚଳର ଗୁହାଳ ଗ୍ରାମର ଅକ୍ଷୟ ପରିଡା ଙ୍କର ବିଧବା କନ୍ୟା ଅନୁଶୟା ପରିଡାଙ୍କୁ ବୈଦିକ ରୀତିନୀତି ଅନୁଯାୟୀ ମନ୍ଦିରରେ ବିବାହ ବନ୍ଧନରେ ବାନ୍ଧି ହୋଇଥିଲେ ।
ଝିଅ ର ପରିବାର ଲୋକେ କହିଥିଲେ ଯେ ଦୁଇ ବର୍ଷ ତଳେ ବାହାଘର କରିଥିଲେ । ଜ୍ଵାଇଁଙ୍କର ବିୟୋଗ ଘଟିଥିଲା । ଏହାପରେ ଝିଅ ଟି ନିଜ ମା ଘରେ ରହୁଥିଲେ । ମାତ୍ର ପରିବାରର ଏତେ ସମ୍ଭାଳ ନାହିଁ ଯେ ସେ ନିଜ ଝିଅକୁ ଘରେ ରଖି ଚଳାଇ ପାରିବେ । ଏହାପରେ ଯେତେବେଳେ ଭଲ ପ୍ରସ୍ତାବ ଆସିଲା ସେତେବେଳେ ବାହାଘର କରାଇବା ନିମନ୍ତେ ନିଷ୍ପତ୍ତି ନେଲେ ।
ଅନୁଶୟା ୨୦୧୬ ମସିହାରେ ସାଲେପୁରରେ ବିବାହ କରିଥିଲେ । ହେଲେ କୋରନାରେ ତାଙ୍କ ସ୍ଵାମୀଙ୍କର ମୃ-ତ୍ୟୁ ହୋଇଯାଇଥିଲା । ଏହାପରେ ସେ ନିଜ ବାପା ଘରକୁ ଚାଲିଆସିଥିଲେ । ଏହିଭଳି ଖବର ପାଇବା ପରେ ଅମୂଲ୍ୟ ଆସି ଅନୁଶୟା ଙ୍କୁ ବିବାହ କରିବେ ବୋଲି କହିଥିଲେ ।
ଏବଂ ଉଭୟ ପରିବାରକୁ ରାଜି ମଧ୍ୟ କରାଇଥିଲେ । ଅମୂଲ୍ୟ ଏହାକରି ଦେଖାଇଦେଲେ ଯେ ବେସାହାରା ବିଧବା ଙ୍କୁ କିଭଳି ସାହାରା ଦେଇହେବ ତଥା ତାଙ୍କ ଜୀବନରେ କିଭଳି ଭାବରେ ହସ ଭରିଦେଇପାରିବେ ତାହା ସମାଜ କୁ ଏକ ଉଦାହରଣ ସ୍ୱରୂପ ଭେଟି ଦେଇଛନ୍ତି । ଅମୂଲ୍ୟ ଜଣେ ବ୍ରାହ୍ମଣ ଘରର ପୁଅ ହୋଇ ଏକ ଖଣ୍ଡାୟତ ଘରର ଏକ ବିଧବା କନ୍ୟାକୁ ବିବାହ କରିଛନ୍ତି । ତେବେ ଏହାକୁ ନେଇ ସମାଜସେବୀ ମଧ୍ୟ ପ୍ରଶଂସା କରିଛନ୍ତି । ବନ୍ଧୁଗଣ ଏହି ବିଶେଷ ବିବରଣୀ ସମ୍ବନ୍ଧରେ ଆପଣଙ୍କ ମତାମତ ଆମ୍ଭକୁ କମେଣ୍ଟ ମାଧ୍ୟମରେ ଜଣାନ୍ତୁ ।
