ଫେମସ ଗାୟକ ଉଦିତ ନାରାୟଣଙ୍କ ପୁଅ ଆଦିତ୍ୟ ନାରାୟଣ ଶେଷରେ ବିବାହ କରିବାକୁ ନିଷ୍ପତ୍ତି ନେଇଛନ୍ତି। ସେ ଚଳିତ ବର୍ଷ ଶେଷ ସୁଦ୍ଧା ତାଙ୍କର 10 ବର୍ଷ ଗର୍ଲଫ୍ରେଣ୍ଡ ରହି ସାରିଥିବା ଝିଅଙ୍କୁ ବିବାହ କରିବେ । ଗତ 10 ବର୍ଷ ମଧ୍ୟରେ ଏହି ସମ୍ପର୍କରେ ଅନେକ ଉତ୍ଥାନ-ପତନ ଘଟିଛି, କିନ୍ତୁ ଏହି ଦୁଇଜଣ ନିଜ ସମ୍ପର୍କ ବିଷୟରେ ଅଧିକ ଖୋଲାଖୋଲି ଭାବରେ କଥାବାର୍ତ୍ତା କରିନାହାଁନ୍ତି । କିନ୍ତୁ, ବର୍ତ୍ତମାନ ଉଭୟଙ୍କ ସହମତିରେ ଏହି ସମ୍ପର୍କ ସ୍ୱାମୀ-ସ୍ତ୍ରୀରେ ପରିଣତ ହେବ ।
ଆଦିତ୍ୟ କହିଛନ୍ତି ଯେ ସେ 2010 ରେ ଫିଲ୍ମ ‘ଶାପିତ’ ର ସେଟ ରେ ଶ୍ୱେତା ଅଗ୍ରୱାଲଙ୍କୁ ଭେଟିଥିଲେ ଓ ସେଠାରେ ସେ ଦୁହେଁ ପରସ୍ପରକୁ ପସନ୍ଦ କରିବା ଆରମ୍ଭ କରିଥିଲେ। ଆଦିତ୍ୟ କହିଛନ୍ତି, ‘ଆରମ୍ଭରେ ଶ୍ୱେତା ଜଣେ ଭଲ ବନ୍ଧୁ ହେବାକୁ ଚାହୁଁଥିଲେ କାରଣ ଆମେ ଦୁହେଁ ଆମର କ୍ୟାରିୟର ଉପରେ ଧ୍ୟାନ ଦେବାକୁ ଚାହୁଁଥିଲୁ ଏବଂ ସେହି ସମୟରେ ଆମ ଦୁଇ ଜଣଙ୍କର ବୟସ ଅଧିକ ନଥିଲା ।
ପ୍ରତ୍ୟେକ ସମ୍ପର୍କ ପରି, ଆମେ ମଧ୍ୟ ଆମ ସମ୍ପର୍କରେ ଅନେକ ଉତ୍ଥାନ-ପତନ ଦେଖିଛୁ । ଆଦିତ୍ୟ ନାରାୟଣ ଆହୁରି କହିଛନ୍ତି, ‘ବର୍ତ୍ତମାନ ବିବାହ କରିବାର ନିଷ୍ପତ୍ତି କେବଳ ଏକ ଉପଚାରିକତା ଅଟେ । ନଭେମ୍ବର କିମ୍ବା ଡିସେମ୍ବର ମାସରେ ଆମେ ଏହାକୁ କାର୍ଯ୍ୟକାରୀ କରିବୁ ବୋଲି ଆଶା କରାଯାଉଛି । ମୋର ପିତାମାତା ଶ୍ୱେତାଙ୍କୁ ବହୁତ ଭଲ ପାଆନ୍ତି ଏବଂ ସେମାନେ ତାଙ୍କୁ ମଧ୍ୟ ଭଲ ଭାବରେ ଜାଣନ୍ତି । ‘
କିଛି ସମୟ ପୂର୍ବରୁ, ରିଆଲିଟି ସୋ ‘ଇଣ୍ଡିଆନ୍ ଆଇଡଲ୍’ ର ସେଟ ରେ ଆଦିତ୍ୟ ଏବଂ ଗାୟିକା ନେହା କକ୍କରଙ୍କ ମଧ୍ୟରେ ସମ୍ପର୍କ ଏବଂ ବିବାହର ଖବର ବାରମ୍ବାର ସାମ୍ନା କୁ ଆସିଥିଲା। ଆଦିତ୍ୟ କହିଛନ୍ତି ଯେ ନେହାଙ୍କ ସହ ତାଙ୍କର ସମ୍ପର୍କ କେବଳ ଗୁଜବ ଥିଲା । ସେ ସବୁ ଏକ ହାସ୍ୟସ୍ପଦ ଏବଂ ଶୋ’ର ସ୍କ୍ରିପ୍ଟ ଅନୁଯାୟୀ ଯାଉଥିଲା ।
କିନ୍ତୁ, ଲୋକମାନେ କିଛି ଅଧିକ ହିଁ ଭାବି ନେଲେ । ଏଥିରେ କୌଣସି ସତ୍ୟତା ନଥିଲା । ଆଦିତ୍ୟ କହିଛନ୍ତି ଯେ ସେ ରୋହନପ୍ରୀତ ସିଂଙ୍କୁ ମଧ୍ୟ ଭଲଭାବେ ଜାଣନ୍ତି ଏବଂ ସେ ପରସ୍ପରର ବହୁତ ଭଲ ବନ୍ଧୁ ମଧ୍ୟ ଅଟନ୍ତି। ନେହା ମଧ୍ୟ ତାଙ୍କର ଏକ ଭଲ ବନ୍ଧୁ ମାତ୍ର ତାହା ବ୍ୟତୀତ ଆଉ କିଛି ନୁହେଁ ।
ସେ ତାଙ୍କ ପିତା ଉଦିତ ନାରାୟଣଙ୍କ ବିଷୟରେ କହିଲେ ଯେ ସେ ମଧ୍ୟ ସୋ’କୁ ଆସିଥିଲେ ଏବଂ କେବଳ ସ୍କ୍ରିପ୍ଟ ଅନୁଯାୟୀ ଶବ୍ଦ କହିଥିଲେ। ଆଦିତ୍ୟ ବର୍ତ୍ତମାନ ଜଣେ ଗାୟକ ଏବଂ ଲୋକପ୍ରିୟ ଟିଭି ସୋ ମଧ୍ୟ ଆୟୋଜନ କରୁଛନ୍ତି । ଏଥି ସହିତ ଶ୍ୱେତା ଫିଲ୍ମ ‘ଶାପିତ’ ରେ କାମ କରିଛନ୍ତି। ସେ ସାଉଥ ଫିଲ୍ମ ରେ ଅଭିନେତା ପ୍ରଭାସ ଏବଂ କିଚ୍ଚା ସୁଦୀପଙ୍କ ଭଳି ଅଭିନେତାଙ୍କ ସହ ମଧ୍ୟ କାମ କରିଛନ୍ତି।
ଆପଣଙ୍କୁ ଆମର ଏହି ପୋସ୍ଟ ଟି ଭଲ ଲାଗିଥିଲେ ଏହାକୁ ଲାଇକ ଓ ଶେୟାର କରନ୍ତୁ ଓ ବଲିଉଡ ବିଷୟରେ ଅଧିକ ଜାଣିବା ପାଇଁ ଆମ ପେଜକୁ ଲାଇକ କରି ଆମ ସହିତ ଯୋଡି ହୁଅନ୍ତୁ । ଧନ୍ୟବାଦ