ନମସ୍କାର ବନ୍ଧୁଗଣ ତେବେ ଯୌଅନ କର୍ମୀ ବା ଦେହ ବେପାରକୁ ନିଜର ପେଶା ଭାବେ ଆପଣାଇଥିବା ବ୍ୟକ୍ତିଙ୍କ ଉପରେ ଚଢାଉ ହୋଇପାରିବ ନାହିଁ । ସେମାନେ ମଧ୍ୟ ସମ୍ମାନର ସହ ବଞ୍ଚିବେ ଏବଂ ସେମାନଙ୍କୁ ସମ୍ମାନର ସହ ବ୍ୟବହାର କରାଯିବ । ସେମାନଙ୍କୁ କୌଣସି ପ୍ରକାରର ଶାରୀରିକ ନିଇର୍ଯାଆତନାଆ ନକରିବାକୁ ସୁପ୍ରିମକୋର୍ଟ ସମସ୍ତ ରାଜ୍ୟ ତଥା କେନ୍ଦ୍ରଶାସିତ ଅଞ୍ଚଳର ପୋଲିସକୁ ନିର୍ଦ୍ଦେଶ ଦେଇଛନ୍ତି ।
ତେବେ ଜଷ୍ଟିସ୍ ଏଲ୍ ନାଗେଶ୍ୱରା ରାଓ, ଜଷ୍ଟିସ୍ ବି.ଆର ଗାଭାଇ ଏବଂ ଜଷ୍ଟିସ୍ ଏସ୍ ବୋପାନ୍ନାଙ୍କ ଏକ ଖଣ୍ଡପୀଠ ଏଭଳି ନିର୍ଦ୍ଦେଶନାମା ଜାରି କରିଛନ୍ତି । ଦେଶର ସମସ୍ତ ବ୍ୟକ୍ତି ସାମ୍ବିଧାନିକ ସୁରକ୍ଷା ପାଇବାକୁ ହକଦାର । ଯୌଅନ ନିଇର୍ଯାଆତନାଆର ଶିକାର ହୋଇଥିବା ଯେକୌଣସି ଯୌଅନକର୍ମୀଙ୍କୁ ଆଇନ ଅନୁଯାୟୀ ତୁରନ୍ତ ଚିକିତ୍ସା ସହାୟତା ସହ ପୀଡ଼ିତାଙ୍କୁ ମିଳୁଥିବା ସମସ୍ତ ସୁବିଧା ସୁଯୋଗ ଯୋଗାଇ ଦିଆଯିବା ଉଚିତ ।
ଯୌଅନକର୍ମୀଙ୍କ ପ୍ରତି ପୁଲିସର ଆଭିମୁଖ୍ୟ ଅନେକ ସମୟରେ ନିଷ୍ଠୁର ଓ ହିଂସାତ୍ମକ ରହୁଛି । ସମସ୍ତ ନାଗରିକଙ୍କୁ ସମ୍ବିଧାନ ସମାନ ଅଧିକାର ଦେଇଛି । ତେଣୁ ପୋଲିସ ସମସ୍ତ ଯୌଅନକର୍ମୀଙ୍କୁ ସମ୍ମାନର ସହିତ ବ୍ୟବହାର କରିବା ଉଚିତ ଏବଂ ସେମାନଙ୍କୁ ମୌଖିକ ଏବଂ ଶାରୀରିକ ଭାବେ ଦୁର୍ବ୍ୟବହାର କରିବା ଉଚିତ ନୁହେଁ । ତେବେ ସେମାନଙ୍କୁ ହିଂସା କରିବା ଉଚିତ ନୁହେଁ କିମ୍ବା ସେମାନଙ୍କୁ କୌଣସି ଯୌଅନ କାମ କରିବାକୁ ବାଧ୍ୟ କରିବା ଉଚିତ ନୁହେଁ ବୋଲି ଖଣ୍ଡପୀଠ କହିଛନ୍ତି ।
ତେବେ ସେହିପରି ପୋଲିସ ଏମାନଙ୍କ ଉପରେ ଚଢାଉ କରିବା କିମ୍ବା ଗିରଫଦାରୀ କରିବା ବେଳେ ଯେପରି ଏମାନଙ୍କର ଭିଡିଓ ଓ ଫଟୋ ଜାରି ନହୁଏ ସେଥିପାଇଁ ପ୍ରେସ୍ କାଉନସିଲ୍ ଅଫ୍ ଇଣ୍ଡିଆକୁ ଆବଶ୍ୟକ ଗାଇଡଲାଇନ ଜାରି କରିବାକୁ କୋର୍ଟ କହିଛନ୍ତି । କାରଣ ଏମାନେ ପୀଡିତ ହୁଅନ୍ତୁ କିମ୍ବା ଅଭିଯୁକ୍ତ ହୁଅନ୍ତୁ ଏମାନଙ୍କର ଫଟୋ ପ୍ରସାରଣ କରିବା ଫଳରେ ସେମାନଙ୍କ ପରିଚୟ ପ୍ରକାଶ ପାଇବ ।
ସେହିପରି ସ୍ଥାୟୀ ଠିକଣା ନଥିବାରୁ ଆଧାର କାର୍ଡ ମିଳୁନାହିଁ ଏମାନଙ୍କୁ କିନ୍ତୁ ଏବେ ଏହି ଶ୍ରେଣୀର ଲୋକଙ୍କୁ ଆଧାର କାର୍ଡ ଦେବାକୁ ରାଜ୍ୟ ଏବଂ କେନ୍ଦ୍ର ସରକାରଙ୍କୁ ନିର୍ଦ୍ଦେଶ ଦେଇଛନ୍ତି ସୁପ୍ରିମକୋର୍ଟ । ତେବେ ଉଲ୍ଲେଖ ଯୋଗ୍ୟ ଯେ ଯୌଅନ କର୍ମୀଙ୍କୁ ସୁରକ୍ଷା ଯୋଗାଇ ଦେବା ପାଇଁ ୨୦୧୧ ରେ ସୁପ୍ରିମକୋର୍ଟ ଏକ ପ୍ୟାନେଲ ଗଠନ କରିଥିଲେ ।
ଏଥିପାଇଁ ଟର୍ମ ଅଫ୍ ରେଫେରେନ୍ସ ଜାରି କରିଥିଲେ । ୨୦୧୬ ରେ ପ୍ୟାନେଲ ଏ ନେଇ ଏକ ବିସ୍ତୃତ ରିପୋର୍ଟ କୋର୍ଟରେ ପ୍ରଦାନ କରିଥିଲେ । ପ୍ୟାନେଲର ରିପୋର୍ଟକୁ କେନ୍ଦ୍ର ସରକାର ମଧ୍ୟ ଗ୍ରହଣ କରିଥିଲେ । ହେଲେ ବିଲ୍ ପ୍ରସ୍ତୁତି ଚାଲିଛି କହି କେନ୍ଦ୍ର ସରକାର ଏହାକୁ ଗଡାଇ ଚାଲିଥିଲେ । ଏହାପରେ ସୁପ୍ରିମକୋର୍ଟ ନିଜର କ୍ଷମତା ବ୍ୟବହାର କରି ବିଧେୟକ ଆସିବା ଯାଏ ପ୍ୟାନେଲ ଦ୍ୱାରା ଦିଆ ଯାଇଥିବା ପ୍ରସ୍ତାବକୁ ଲାଗୁ କରିବାକୁ ନିର୍ଦ୍ଦେଶ ଦେଇଛନ୍ତି ସୁପ୍ରିମକୋର୍ଟ । ତେବେ ଏହା ଉପରେ ଆପଣଙ୍କ ମତାମତ କଣ ନିଶ୍ଚିତ ଜଣାନ୍ତୁ ।