ନମସ୍କାର ବନ୍ଧୁଗଣ ତେବେ ମାଲକାନଗିରି ସହରରେ ଏବେ ଜଣେ ୧୧ ବର୍ଷ ବାଳକର ବୀରତ୍ବର କାହାଣୀକୁ ନେଇ ଜୋରଦାର ଚର୍ଚ୍ଚା ଚାଲିଛି । ଜଣେ ସାହସୀ ବାଳକ ନିଜର ଜୀବନକୁ ବାଜି ଲଗାଇ ଅନ୍ୟ ସାଂଗର ଜୀବନକୁ ବଞ୍ଚାଇଛି । ଏଭଳି ଘଟଣା ଘଟିଛି ମାଲକାନଗିରି ସଦର ମହକୁମାସ୍ଥିତ ମଲିକେଶ୍ବର ମନ୍ଦିର ନିକଟରେ । ସ୍ଥାନୀୟ ଦିପ୍ତୀ କନଭେଣ୍ଟ ସ୍କୁଲରେ ପାଠ ପଢୁଥିବା କିଛି ଛାତ୍ର ଟ୍ୟୁସନ ପାଇଁ ସ୍ଥାନୀୟ ମଲିକେଶ୍ବର ନିକଟରେ ରହିଥିବା ଜଣେ ସାରଙ୍କ ଘରକୁ ପ୍ରତିଦିନ ଯାଇଥାନ୍ତି ।
ତେବେ ଗତ ଦୁଇ ଦିନ ତଳେ ଟ୍ୟୁସନ ପାଇଁ ସବୁଦିନ ଯେଉଁ ସମୟରେ ଯାନ୍ତି ତାର କିଛି ଘଣ୍ଟା ପୂର୍ବରୁ ଟ୍ୟୁସନ ଆରମ୍ଭ ହେଉଥିବାରୁ ସମସ୍ତେ ପୂର୍ବରୁ ଟ୍ୟୁସନରେ ଯାଇଥିଲେ । ଟ୍ୟୁସନ ସାରି ଘରକୁ ନଫେରି ସେଠାରେ ଥିବା ଏକ ପଡିଆରେ ଖେଳିଥିଲେ । ତେବେ ସେହି ପଡିଆ ନିକଟରେ ଏକ ପଖୋରୀ ମଧ୍ୟ ରହିଛି । ଖେଳୁ ଖେଳୁ ୟୁବରାଜ ସୁରାନା ନାମକ ଛାତ୍ର ପଖୋରୀରେ ଖସି ପଡିଯାଇଥିଲା ।
ବର୍ଷା ଯୋଗୁଁ ପଖୋରୀରେ ଗଭୀର ପାଣି ରହିଛି । ଯୁବରାଜ ସୁରାନା ନାମକ ଛାତ୍ର ପାଣିରେ ବୁଡିଯାଉଥିଲା । ଏହା ଦେଖି କୌଣସି ପିଲା ପାଣିରେ ଯିବାକୁ ଅମଙ୍ଗ ହୋଇଥିଲେ । କିନ୍ତୁ ଶ୍ରବଣ ସାନା ନାମକ ଛାତ୍ର ତୁରନ୍ତ ପଖୋରୀକୁ ଡେଇଁ ଯୁବରାଜକୁ ବଞ୍ଚାଇଥିଲେ । ତେବେ ସେ ଯେତେବେଳେ ପଖୋରୀରୁ ନିଜେ ବାହାରିକୁ ଚେଷ୍ଟା କଲେ ତାଂକର ଗୋଡ ପଖୋରୀ ଭିତରେ ରହିଥିବା କାଦୁଅରେ ଫସି ରହିଯାଇଥିଲା ।
ସେ ଯେତେ ଚେଷ୍ଟା କଲେ ମଧ୍ୟ କାଦୁଅରୁ ଗୋଡକୁ ବାହାର କରିପାରିନଥିଲେ । ପଖୋରୀ ହୁଡାରେ ଛିଡା ହୋଇଥିବା ପିଲାମାନେ ତୁରନ୍ତ ସ୍ଥାନୀୟ ଲୋକଙ୍କୁ ଡାକ ଛାଡିଥିଲେ । ସେମାନେ ଆସିବା ପୂର୍ବରୁ ଶ୍ରବଣ ପାଣିରେ ବୁଡିଯାଇଥିଲା, ଯାହାଫଳରେ ତାଂକର ମୃତ୍ୟୁ ହୋଇଯାଇଥିଲା । ନିଜର ସାଂଗର ଜୀବନ ବଞ୍ଚାଇ ସେ ମୃତ୍ୟୁବରଣ କରିଥିଲା । ଯାହାକୁ ନେଇ ମାଲକାନଗିରିରେ ଛାତ୍ରର ସାହସକୁ ପ୍ରଶଂସା କରିବା ସହ ତାକୁ ସମସ୍ତେ ତାର ବୀରତ୍ବକୁ ସାଲୁଟ ମାରିଥିଲେ ।
ଅନ୍ୟଦିଗରେ ଶ୍ରବଣର ବାପା ରବି ସାନା ଜଣେ କିରାନା ଦୋକାନ କରିଛନ୍ତି । ଏହି ଖବର ଶୁଣିବା ପରେ ସେ ନିଜ ଘରେ ଥିବା ବାଥରୁମରେ ପଡିଯାଇଥିଲେ । ସେ ଗୁରୁତର ହେବାରୁ ତାଂକୁ ମାଲକାନଗିରି ମେଡିକାଲରେ ଭର୍ତ୍ତି କରାଯାଇଛି । ରବି ସାନାଙ୍କର ଗୋଟିଏ ପୁଅ ଏବଂ ଗୋଟିଏ ଝିଅ ରହିଛନ୍ତି । ପୁଅ ଶ୍ରବଣ ଜଣେ ମେଧାବୀ ଛାତ୍ର ଥିଲେ ।
ଏଥିସହ ସାହସୀ ଏବଂ ବୁଦ୍ଧିମାନ ଥିବାରୁ ସେ ସେ ସ୍କୁଲରେ ଜଣେ ସୁପରିଚିତ ଛାତ୍ର ଥିଲେ । ତାଂକର ମୃତ୍ୟୁ ପରେ ବିଦ୍ୟାଳୟ ଗୋଟିଏ ଦିନ ପାଇଁ ଛୁଟି ଘୋଷଣା କରାଯାଇଥିଲା । ତାଂକର ଏହି ସାହସ ପାଇଁ ଶ୍ରବଣଙ୍କୁ ରାଷ୍ଟପତି ସାହସିକତା ପୁରସ୍କାର ପ୍ରଦାନ କରିବା ପାଇଁ ଦାବି ଜୋର ଧରିଛି । ପୁଅକୁ ହରାଇ ପରିବାର ଏବେ ଭାଙ୍ଗି ପଡିଛନ୍ତି । ତେବେ ଏହା ଉପରେ ଆପଣଙ୍କ ମତାମତ କଣ ନିଶ୍ଚିତ ଜଣାନ୍ତୁ ।