ନମସ୍କାର ବନ୍ଧୁଗଣ ତେବେ ଯୌତୁକ ନିର୍ଯ୍ୟାଆତନା ଏଭଳି ଏକ ଶବ୍ଦ ଯାହା ବିଷୟରେ ଶୁଣିବା ପରେ ବହୁତ ଘୃଣା ଲାଗିଥାଏ । ଆଜିର ସମାଜରେ ମଣିଷ ଏତେ ଶିକ୍ଷିତ ହୋଇ ମଧ୍ୟ ଯୌତୁକ ଲୋଭକୁ ଭୁଲି ପାରୁନାହିଁ । କିଏ ଜାଣେ ଆମ ସମାଜରେ ଏପରି ପ୍ରଥା ପାଇଁ ଆଉ କେତେ ଜୀବନ ଯିବ ? ବାସ୍ତବରେ ଏହା କୌଣସି ପ୍ରଥା ନୁହେଁ ଯେ ବିବାହ ପାଇଁ ଝିଅର ପରିବାର ପୁଅ ପରିବାରକୁ ଯୌତୁକ ଦେବାକୁ ବାଧ୍ୟ ।
କିନ୍ତୁ ସମୟ ଯେତେ ଆଧୁନିକ ଦିଗରେ ଗତି କଲେ ବି ଲୋଭି ମନୁଷ୍ୟ ସମାଜ କେବେବି ଯୌତୁକ ଛାଡ଼ି ପାରିବ ନାହିଁ । ଯାହାଦ୍ୱାରା ଯୌତୁକ ଜୁଇରେ ଆହୁରି ନିରୀହ ଝିଅଙ୍କ ଜୀବନ ଚାଲିଯିବ । ତେବେ ସୂଚନା ଅନୁଯାୟୀ ଭଦ୍ରକ ଜିଲ୍ଲା ମିର୍ଜାପୁରରୁ ଏକ ଦୁଃଖଦ ଘଟଣା ବର୍ତ୍ତମାନ ସବୁଠି ଚର୍ଚ୍ଚାର ବିଷୟ ପାଲଟିଛି । ଘଟଣା ଅନୁଯାୟୀ ଜଣେ ଭାଇ ରାସ୍ତାରେ ନିଜ ଭଉଣୀକୁ ଝୁରି ଝୁରି କାନ୍ଦିବାରେ ଲାଗିଛି ।
ଆଉ ଚିତ୍କାର କରି ଭାଇ ଜଣକ କହିଛି ଯେ ମୋ ଭଉଣୀକୁ କାହିଁକି ମାରିଦେଲ ମୋତେ କିଏ ରାକ୍ଷୀ ବାନ୍ଧିବ । ଏପରି ଦୁଃଖଦ ଦୃଶ୍ୟ ଦେଖିଲେ ଆପଣ ବି କାନ୍ଦି ପକାଇବେ । ତେବେ ବାପଘର ଲୋକଙ୍କ କହିବା ଅନୁଯାୟୀ ଶାଶୁ ଘର ଲୋକେ ଯୌତୁକ ନିର୍ଯାତନା ଦେଇ ଶେଷରେ ଦଉଡ଼ିରେ ଝୁଲାଇ ଦେଇଛନ୍ତି ।
ମିଳିଥିବା ସୂଚନା ଅନୁଯାୟୀ ଧୁଷୁରୀ ଥାନା ଅନ୍ତର୍ଗତ କରୁଆ ଗ୍ରାମର ଅଧର ନାୟକଙ୍କ ଝିଅ ବର୍ଷାରାଣୀ ନାୟକ ତିହିଡ଼ି ଥାନା ଅନ୍ତର୍ଗତ ମିର୍ଜାପୁର ଅଞ୍ଚଳର ପ୍ରଭାକର ରାଉଳଙ୍କ ପୁଅ ପ୍ରକାଶ ରାଉଳଙ୍କ ସହିତ ଗତ ଡିସେମ୍ବର ୧୨ ରେ ବିବାହ କରିଥିଲେ । ତେବେ ସ୍ୱାମୀ ବେଙ୍ଗାଲୁରୁରେ ରହି କାର୍ଯ୍ୟ କରୁଥିଲେ ଏବଂ ବର୍ଷା ନିଜ ଶାଶୁ ଘରେ ରହୁଥିଲେ । କିନ୍ତୁ ଗତକାଲି ଝୁଲନ୍ତା ଅବସ୍ଥାରେ ତାଙ୍କ ମୃତ ଶରୀର ଜବତ ହୋଇଛି ।
ତେବେ ମୃତ୍ୟୁ ବିଷୟରେ ପ୍ରଥମେ ଦିଅର ବର୍ଷାଙ୍କ ବାପ ଘର ଲୋକଙ୍କୁ ସୂଚନା ଦେଇଥିଲେ । ଯାହା ଜାଣିବା ପରେ ପରିବାର ଲୋକେ ଆସି ପହଞ୍ଚି ଥିଲେ । ବାପ ଘର ଲୋକେ ଏହାକୁ ଆତ୍ମହତୟଆ ବୋଲି ମାନି ନାହାଁନ୍ତି ବରଂ ଏହାକୁ ହତୟଆ ବୋଲି ଅଭିଯୋଗ ଆଣିଛନ୍ତି । ବର୍ଷାଙ୍କ ଭାଇଙ୍କ କହିବା କଥା ଯେ ବିବାହର କିଛି ଦିନ ପରେ ହିଁ ତାଙ୍କ ଭଉଣୀ ଉପରେ ଶାଶୁ ଘର ଲୋକେ ଯୌତୁକ ନିର୍ଯାତନା ଦେବାକୁ ଆରମ୍ଭ କରିଥିଲେ । ଯେଉଁ କାରଣରୁ ତାଙ୍କ ଭଉଣୀ ସବୁବେଳେ ଚିନ୍ତିତ ରହୁଥିଲେ ।
କିନ୍ତୁ ତାଙ୍କ ମୃତ୍ୟୁ ପରେ ଘଟଣା ସ୍ଥଳର ପୁରା ଦୃଶ୍ୟ ଦେଖି ସନ୍ଦେହ ଆସିଛି ଯେ ନିଶ୍ଚିତ ଭାବରେ ଏହା କୌଣସି ଆତ୍ମହତୟଆ ନୁହେଁ ବରଂ ହତୟଆ । ଯାହାପରେ ପରିବାର ଲୋକେ ରାସ୍ତା ଅବରୋଧ କରି ନ୍ୟାୟ ପାଇଁ ଦାବି କରିଛନ୍ତି । ପରେ ମୃତ ଶରୀର ବ୍ୟବଚ୍ଛେଦ ପାଇଁ ଭଦ୍ରକ ମେଡିକାଲକୁ ପଠା ଯାଇଛି । ତେବେ ଦେଖିବାକୁ ବାକି ରହିଲା ଯେ ପୋଲିସ ଏହି ଘଟଣା ବିଷୟରେ କିପରି ତଦନ୍ତ କରି ସତ୍ୟତାକୁ ପଦାକୁ ଆଣୁଛି । ତେବେ ଏହା ଉପରେ ଆପଣଙ୍କ ମତାମତ କଣ ନିଶ୍ଚିତ ଜଣାନ୍ତୁ ।