ନମସ୍କାର ବନ୍ଧୁଗଣ ତେବେ ଆପଣ ସମସ୍ତେ ବଲିଉଡ ଅଭିନେତା ଏବଂ ବହୁ ପ୍ରତିଭା ଶାଳୀ ବ୍ୟକ୍ତି ଅନୁପମ ଖେର ଙ୍କୁ ତ ନିଶ୍ଚୟ ଜାଣିଥିବେ । ତେବେ ଅନୁପମ ଖେର ଏପରି ଜଣେ ଅଭିନେତା ଯିଏ ସୋ-ସି-ଆ-ଲ ମି-ଡି-ଆ-ରେ ବହୁତ ସକ୍ରିୟ ଥାଆନ୍ତି । ଅନୁପମ ନିକଟରେ ଏପରି ଏକ ଭିଡିଓ ସେ-ୟା-ର କରିଛନ୍ତି କି ତାଙ୍କ ପ୍ରଶଂସକ ମାନେ ତାଙ୍କୁ ପ୍ରଶଂସା କରିଛନ୍ତି । ଅନୁପମ ଖେରଙ୍କ ଏହି ଭିଡିଓରେ ଜଣେ ଝିଅ ପାଠପଢ଼ିବା ପାଇଁ ତାଙ୍କ ନିକଟରେ ନିବେଦନ କରୁଛନ୍ତି
ତା’ପରେ ଅନୁପମ ମଧ୍ୟ ତାଙ୍କ ସ୍ୱପ୍ନକୁ ସାକାର କରିବାକୁ ପ୍ରତିଶ୍ରୁତି ଦେଇଛନ୍ତି । ନିକଟରେ ଅନୁପମ ଖେର କାଠମାଣ୍ଡୁ ଯାଇଥିଲେ, ଯେଉଁଠାରେ ସେ ଏମିତି ଜଣେ ଝିଅଙ୍କୁ ଭେଟିଥିଲେ ଯିଏକି ଭିକ ମାଗି ନିଜ ଗୁଜୁରାଣ ମେଣ୍ଟାଉଥିଲେ । ଆଶ୍ଚର୍ଯ୍ୟର କଥା ହେଉଛି ଭିକ ମାଗୁଥିବା ଏହି ବାଳିକା ଜଣକ ସ୍ପଷ୍ଟ ଭାବେ ଇଂରାଜୀ ବି କହୁଥିଲେ । ବାଳିକାଙ୍କ ମୁଖରୁ ଇଂରାଜୀ ଶୁଣି ଅନୁପମ ବି ଆଶ୍ଚର୍ଯ୍ୟ ହୋଇଯାଇଥିଲେ ।
ଅନୁପମ ଖେର ଭିଡିଓ ସେୟାର କରି ଲେଖିଛନ୍ତି, ‘ମୁଁ କାଠମାଣ୍ଡୁ ମନ୍ଦିର ବାହାରେ ଆରତୀଙ୍କୁ ଭେଟିଥିଲି । ସେ ଭାରତର ରାଜସ୍ଥାନର ବାସିନ୍ଦା । ସେ ମୋତେ କିଛି ଟଙ୍କା ମାଗିଥିଲେ ଏବଂ ମୋ ସହ ଫଟୋ ଉଠାଇବାକୁ ଅନୁମତି ମାଗିଥିଲେ । ଆଉ ମୋ ସହିତ ଇଂରାଜୀରେ ଭଲଭାବେ କଥା ବି ହୋଇଥିଲେ । ଅଧ୍ୟୟନ ପାଇଁ ତାଙ୍କର ଆଗ୍ରହ ଦେଖି ମୁଁ ଆଶ୍ଚର୍ଯ୍ୟ ହୋଇ ଯାଇଥିଲି । ଅନୁପମ ଖେର ଫାଉଣ୍ଡେସନ ତାଙ୍କୁ ଶିକ୍ଷା ଦେବ ବୋଲି ପ୍ରତିଶ୍ରୁତି ଦେଇଛନ୍ତି ।
ଏହି ଭିଡିଓରେ ଝିଅ ଜଣକ କହୁଛନ୍ତି, ‘ମୋର ନାମ ଆରତୀ ଏବଂ ମୁଁ ଆପଣଙ୍କୁ ଭେଟି ଖୁବ ଖୁସି ଅଛି । ବହୁତ୍ ବହୁତ୍ ଧନ୍ୟବାଦ୍ । ମୁଁ ଭାରତର ରାଜସ୍ଥାନରୁ ଆସିଛି । ଆରତୀଙ୍କ କଥା ଶୁଣି ଅନୁପମ ଖେର ତାଙ୍କୁ ପ୍ରଶଂସା କରି କହିଥିଲେ ଯେ ତୁମେ ବହୁତ ଭଲ ଇଂରାଜୀ କହୁଛ । ଅନୁପମ ପଚାରିଥିଲେ ତୁମେ କିପରି ଏତେ ଭଲ ଭାବେ ଇଂରାଜୀ କହି ପାରୁଛ ?
ତେବେ ଝିଅ ଟି ଉତ୍ତର ରେ କହିଥିଲା କି ମୁଁ ଭିକ୍ଷା ମାଗେ । ମୁଁ ସ୍କୁଲକୁ ଯାଇ ନାହିଁ ।
ଭିକ ମାଗିବା ସମୟରେ ମୁଁ ଟିକିଏ ଇଂରାଜୀ ଶିଖିବାକୁ ଲାଗିଲି ଏବଂ ବର୍ତ୍ତମାନ ମୁଁ ପୁରା ଇଂରାଜୀରେ କଥା ହେବା ଶିଖି ଯାଇଛି । ଅାରତୀଙ୍କୁ ଅନୁପମ ପଚାରିଥିଲେ- ତୁମେ କାହିଁକି ଭିକ ମାଗୁଛ କିଛି କାମ କାହିଁ କରୁନ? ତେବେ ଉତ୍ତର ରେ କହିଥିଲା କି କାରଣ ମୁଁ ଏକ ଗରିବ ପରିବାରର ଝିଅ, ତେଣୁ ମୋତେ ଭିକ ମାଗିବାକୁ ପଡୁଛି । ଅନୁପମ ତାପରେ କହିଥିଲେ – ତୁମେ ଭଲ ଇଂରାଜୀ କହୁଛ, କୌଣସି ସ୍ଥାନରେ ଚାକିରି ପାଇଁ ଚେଷ୍ଟା କରି ନାହିଁ ।
ଆରତୀ କହନ୍ତି, ମୋତେ କେହି ଚାକିରି ଦେବାକୁ ରାଜି ନୁହନ୍ତି । ମୁଁ ପାଠପଢ଼ିବାକୁ ଚାହେଁ । ବହୁତ ଲୋକଙ୍କୁ ଏଥିପାଇଁ ସାହାଯ୍ୟ ବି ମାଗିଛି କିନ୍ତୁ କେହି ମୋ କଥା ଶୁଣି ନାହାନ୍ତି ।ଆରତୀଙ୍କ ଠାରୁ ଏକଥା ଶୁଣି ଅନୁପମ ତାଙ୍କ ଠାରୁ ଫୋନ ନମ୍ବର ନେଇ ପାଠ ପଢ଼ାଇବା ପାଇଁ ପ୍ରତିଶ୍ରୁତି ଦେଇଛନ୍ତି ।
