ବନ୍ଧୁଗଣ ୟୁକ୍ରେନ ଉପରେ ଆକ୍ରମଣ କରିବା ପରେ ଋଷ ରାଷ୍ଟ୍ରପତି ପୁଟିନ ଏବେ ସାରା ବିଶ୍ଵରେ ଚର୍ଚ୍ଚାରେ ରହିଛନ୍ତି । ଏକ ସପ୍ତାହରୁ ଅଧିକ ଦିନ ହେବ ଋଷ ଓ ୟୁକ୍ରେନ ମଧ୍ୟରେ ଘମାଘୋଟ ଯୁଦ୍ଧ ଚାଲିଛି । ତେବେ ଋଷ ସେନା ୟୁକ୍ରେନର ଅନେକ ସହରକୁ ନଷ୍ଟ କରିଦେବା ପରେ ଏବେ ୟୁକ୍ରେନ ରାଜଧାନୀ କିବ୍ ଆଡେ ଗତି କରୁଛନ୍ତି । ୟୁକ୍ରେନ ଏବେ ରଣକ୍ଷେତ୍ର ପାଲଟିଛି । ଆଉ ଅନ୍ୟ ପକ୍ଷରେ ସେନାରେ ବହୁତ ସଂଖ୍ୟାରେ ସେନା ଯବାନ ଠୁଳ କରିବାରେ ଲାଗିଛି ଋଷିଆ ।
ଦୀର୍ଘ ବର୍ଷ ହେବ ଋଷିଆ ଓ ୟୁକ୍ରେନ ମଧ୍ୟରେ ଚାଲିଥିବା ବିବାଦଟି ଏବେ ଉଗ୍ର ରୂପ ନେଇଛି ।ତେବେ ବନ୍ଧୁଗଣ ଏହି ଯୁଦ୍ଧ ମଧ୍ୟରେ ସାହସିକତା ଦେଖାଇଛନ୍ତି ଆମ ଓଡିଆ ପୁଅ । ଘନଘନ ବୋମା ମାଡ ଭିତରେ ଜୀବନକୁ ଖାତିର କଲେନି ଏହି କଳାହାଣ୍ଡିର ଓଡିଆ ପୁଅ । ୩ ହଜାର ଛାତ୍ର ଛାତ୍ରୀଙ୍କୁ ୟୁକ୍ରେନ ସୀମା ପାର କରେଇଲେ । ଏହି ଯୁବକ ଜଣକ ହେଉଛନ୍ତି କଳାହାଣ୍ଡି ଜିଲ୍ଲା ରାମପୁର ବ୍ଲକ ଅଏଁଳାପାଲିର ବିକାଶ ଚନ୍ଦ୍ର ସାହୁ ।
ଡାକ୍ତରୀ ପାଠ ପଢିବାକୁ ସେ ୨୦୧୭ରେ ୟୁକ୍ରେନ ଯାଇଥିଲେ । ଋଷ ଓ ୟୁକ୍ରେନ ଯୁଦ୍ଧ ପରେ ସେଠାରେ ଚିତ୍ର ସଂପୂର୍ଣ୍ଣ ବଦଳିଯାଇଥିଲା । ଜୀବନ ବଞ୍ଚାଇବାକୁ କିଏ ବଙ୍କର ଭିତରେ ତ କିଏ ଷ୍ଟେସନ ଭିତରେ ଲୁଚି ରହିଥିଲେ । ଭାରତ ଫେରିବାକୁ ବ୍ଯାକୁଳ ହେଉଥିବା ପିଲାଙ୍କୁ ବିକାଶ ଉଧାର କରି ସୀମାପାର କରିବାରେ ସହାୟତାର ହାତ ବଢାଇ ଛନ୍ତି । ସମସ୍ତେ ଯିବା ପରେ ଶୀତ କାକରରେ ଅନ୍ୟ ପିଲାଙ୍କୁ ଧରି ରାତି ଅନିଦ୍ରା ହୋଇଥିଲେ ଶେଷରେ ରୋମେନିଆରୁ ଫଙ୍ଗେରୀ ପହଞ୍ଚି ଥିଲେ ।
ବିକାଶ ୟୁକ୍ରେନ ସୀମାରେ ତିନୋଟି ବସରେ ବସିଥିବା ଛାତ୍ର ଛାତ୍ରୀଙ୍କ ଭିଡିଓ କରି ମଧ୍ୟ ପଠାଇ ଥିଲେ । ବନ୍ଧୁଗଣ ବିକାଶ ସେହି ସମୟ ଘଟଣାର ଏକ ଭିଡିଓ କରି ମଧ୍ୟ ସୋସିଆଲ ମିଡିଆ ଆକାଉଣ୍ଟରେ ସେୟାର କରିଛନ୍ତି ।
ବିକାଶ ତିନୋଟି ବସରେ ଥିବା ଛାତ୍ର ଛାତ୍ରୀଙ୍କୁ ଭିଡିଓରେ ଦେଖାଇ ଛନ୍ତି ଓ ସମସ୍ତ ଛାତ୍ର ଛାତ୍ରୀ ସୁରକ୍ଷିତ ଅଛନ୍ତି ବୋଲି ମଧ୍ୟ ଭିଡିଓରେ ନଜର ଆସୁଛି । ବିକାଶ ନିଜେ ନଆସି ଅନ୍ୟ ପିଲା ମାନଙ୍କୁ ସୀମା ପାର କରେଇବାରେ ଯେଉଁ ଉଦ୍ୟମ କରିଥିଲେ ତାହାକୁ ପରିବାର ଲୋକଙ୍କ ସମେତ ବିଭିନ୍ନ ମହଲରେ ପ୍ରଶଂସା କରାଯାଇଛି । ତା ହେଲେ ବନ୍ଧୁଗଣ ଏହି ଖବର ଉପରେ ଆପଣ ମାନଙ୍କର ମତ କଣ ଆମକୁ କମେଣ୍ଟ କରି ନିଶ୍ଚୟ ଜଣାଇବେ, ଧନ୍ୟବାଦ ।