ନମସ୍କାର ବନ୍ଧୁଗଣ ତେବେ ତଦନ୍ତ ବଢ଼ିବା ସହ ଖୋଲୁଛି ଲେଡ଼ି ବ୍ଲାକମେଲର ଅର୍ଚ୍ଚନା ନାଗଙ୍କ ଗୁମର । ପ୍ରତିଦିନି ସାମନାକୁ ଆସୁଛି ନୂଆ ନୂଆ ତଥ୍ୟ । ଏବେ ଆଉ ଗୋଟିଏ ହ୍ଵାଟ୍ସଆପ୍ ଚାଟିଂ ସାମନାକୁ ଆସିଛି । ଯେଉଁଥିରେ ବିକି ନାମକ ଜଣେ ବ୍ୟକ୍ତିଙ୍କ ସହ ଚାଟିଂ କରୁଥିବା ଜଣା ପଡୁଛି । ଯେଉଁଥିରେ ଯୁବତୀ ଚାଲାଣ ନେଇ କିଛି କଥା ଉଲ୍ଲେଖ ରହିଛି । ତେବେ ବିକି କହୁଛନ୍ତି ଚାରିଜଣ ଛାତ୍ରୀ ରାଜି ହୋଇଛନ୍ତି ଏବଂ ସେ ସେଥିପାଇଁ ଦୁଇ ଚାରି ହଜାର ଅଧିକ ମାଗୁଛନ୍ତି ।
ତେବେ ଦେବାକୁ ପଡିବ କାରଣ ସେମାନେ ସବୁ ସେହି ଭଳି ଏ କ୍ଳାସ ର କିନ୍ତୁ ସେମାନେ ରାଜି ହୋଇ ଯାଇଛନ୍ତି । ତେବେ ଅର୍ଚ୍ଚନା ଲେଖିଥିଲେ ଓକେ ବସ୍ । ତେବେ ଏ ବିକି କିଏ ଏବଂ ତାଙ୍କ ସହ ଅର୍ଚ୍ଚନାଙ୍କର ସମ୍ପର୍କ କଣ ? ଭୁବନେଶ୍ୱରରୁ ତଡ଼ିପାର ହୋଇଥିବା ସେକ୍ସ ରାକେଟ୍ କିଙ୍ଗପିନ୍ ସେ ନୁହେଁ ତ ? ଅର୍ଚ୍ଚନା ଯୁବତୀ ଚାଲାଣ ରାକେଟରେ ସଂପୃକ୍ତ ଥିଲେ କି ? ଏଭଳି ଅନେକ ପ୍ରଶ୍ନ ଉଠୁଛି ।
ତେବେ ସେପଟେ ଅର୍ଚ୍ଚନା ନାଗ ଗିରଫ ଘଟଣାକୁ ନେଇ ବରିଷ୍ଠ କଂଗ୍ରେସ ବିଧାୟକ ସନ୍ତୋଷ ସିଂ ସାଲୁଜା ବଡ଼ ବୟାନ ଦେଇଛନ୍ତି । ସେ କହିଛନ୍ତି, ଅର୍ଚ୍ଚନା ନାଗଙ୍କ ସତ ପଦାକୁ ଆସିଲେ ସରକାର ଭାଙ୍ଗିଯିବ । ମମିତା ମେହେର ଭଳି ଅର୍ଚ୍ଚନା ନାଗ ଘଟଣାରେ ମଧ୍ୟ ଲାପଟପ ଓ ମୋବାଇଲ ସତ ଲୁଚାଇବା ପାଇଁ ଚେଷ୍ଠା କରୁଛନ୍ତି ରାଜ୍ୟ ସରକାର । ସଫା ପୋଷାକ ପିନ୍ଧି ଘୃଣିତ କାର୍ଯ୍ୟ କରୁଛନ୍ତି ବିଜେଡି ନେତା ।
ତେବେ ଏଣେ ଏହି ଘଟଣାକୁ ନେଇ ରାଜ୍ୟ ବିଜେପି ସାଧାରଣ ସମ୍ପାଦକ ପୃଥ୍ୱୀରାଜ ହରିଚନ୍ଦନ କହିଛନ୍ତି, ରାଜ୍ୟ ସରକାରଙ୍କ ନିର୍ଦେଶକ୍ରମେ ପୁଲିସ ଘଟଣା ଉପରେ ଘଣ୍ଟ ଘୋଡ଼ାଉଛି । ବଡ଼ ବଡ଼ ସରକାରୀ ଅଧିକାରୀଙ୍କଠାରୁ ଆରମ୍ଭ କରି ରାଜନୈତିକ ନେତା ଓ ବ୍ୟବସାୟୀ ଏଥିରେ ସମ୍ପୃକ୍ତ ଅଛନ୍ତି । ସମ୍ପୃକ୍ତ ଥିବା ଚେହେରା ସବୁ ବାହାରକୁ ଆସିବାର ଆବଶ୍ୟକତା ରହିଛି ।
ମହିଳାଜଣକ ଅତ୍ୟନ୍ତ କଦର୍ଯ୍ୟ ଉପାୟରେ ପଇସା ରୋଜଗାର କରିଛନ୍ତି, ଏଥିରେ କେଉଁମାନେ ସହାୟତା କରିଛନ୍ତି, ତାହା ମଧ୍ୟ ସାମ୍ନାକୁ ଆସିବାର ଆବଶ୍ୟକତା ରହିଛି । ତଦନ୍ତ ପ୍ରକ୍ରିୟାରେ ଘଣ୍ଟ ଘୋଡାଉଛନ୍ତି ରାଜ୍ୟ ସରକାର ଏବଂ ଚିଟଫଣ୍ଡ ସମୟରେ କ୍ରାଇମବ୍ରାଞ୍ଚ ଡାଟା ନଷ୍ଟ କରିବା ଭଳି ଆଜି ବି ସମାନ ଢଙ୍ଗରେ ଡାଟା ନଷ୍ଟ କରି କିଛି ଲୋକଙ୍କୁ ବଞ୍ଚାଇବାକୁ ପ୍ରକ୍ରିୟା ଓ ପ୍ରଚେଷ୍ଟା ଚାଲିଛି ।
ସେ ଆହୁରି କହିଛନ୍ତି, ଓଡ଼ିଶାର ମୁଖ୍ୟମନ୍ତ୍ରୀ ଯାହା କୁହନ୍ତି ନ୍ୟାୟ ଏବଂ ଆଇନ ତା ରାସ୍ତାରେ ଯିବ, ଏହାକୁ ଯଦି ଅଵଲମ୍ବନ କରନ୍ତେ ନିହାତି ରୂପେ ଅନେକଗୁଡ଼ିଏ ସତ୍ୟତା ବାହାରକୁ ଆସନ୍ତା । ହନିଟ୍ରାପ କେସ ଓଡ଼ିଶା ପ୍ରଦେଶରେ ଯାହା ଓଡ଼ିଶାର ସଂସ୍କୃତି ବିରୋଧୀ କଥା । ତେବେ ଏହା ଉପରେ ଆପଣଙ୍କ ମତାମତ କଣ ନିଶ୍ଚିତ ଜଣାନ୍ତୁ ।