ବନ୍ଧୁଗଣ ଆଜି ଠାରୁ ୨୧ ବର୍ଷ ତଳେ ପ୍ରକୃତିର କରଳ ରୂପ ଦେଖିଥିଲା ଓଡିଶା । ଆଜି ଆମେ ଆପଣ ମାନଙ୍କୁ ୧୯୯୯ ମସିହା ଅକ୍ଟୋବର ୨୯ ତାରିଖରେ ହୋଇଥିବା ମହାବାତ୍ୟା ବିଷୟରେ କହିବାକୁ ଯାଉଛୁ । ସେ ଦିନ ଉପକୂଳ ଓଡିଶାକୁ ଗ୍ରାସ କରିଥିଲା ମହାବାତ୍ୟା ଆଉ ପ୍ରକୃତିର କରାଳ କାୟରେ ଛାରଖାର ହୋଇଯାଇଥିଲା ଅନେକ ପରିବାର ।
୧୯୯୯ ମସିହା ଅକ୍ଟୋବର ୨୫ ତାରିଖରେ ବଙ୍ଗପ ସାଗରରେ ସୃଷ୍ଟି ହୋଇଥିଲା ଲଘୁଚାପ । ଧୀରେ ଧୀରେ ଏହା ଘନୀଭୂତ ହୋଇ ସ୍ଥଳ ଭାଗକୁ ଛୁଇଁବାକୁ ଲାଗିଲା । ୨୮ ତାରିଖ ସନ୍ଧ୍ୟାରେ ସୁର ସୁରିଆ ପବନ ହେବା ଆରମ୍ଭ ହୋଇଥିଲା । ପରଦିନ ଅର୍ଥାତ ୨୯ ତାରିଖରେ ପ୍ରଳୟକାରୀ ରୂପ ଧାରଣ କରି ଓଡିଶା ପହଞ୍ଚି ଥିଲା ମହାବାତ୍ୟା ।
ସଖାଳ ୧୦ଟା ୩୦ରେ ଓଡିଶାର ଉପକୂଳ ଜିଲ୍ଲା ଜଗତ ସିଂହପୁରର ଏରସମା ଓ ବାଲିକୁଦା ଅଞ୍ଚଳରେ ଏହି ବାତ୍ୟା ପ୍ରବେଶ କରିଥିଲା । ସେତେବେଳେ ପବନର ବେଗ ଥିଲା ୨୪୦ ରୁ ୨୬୦ କିଲୋମିଟର । ମହାବାତ୍ୟାରେ ପବନର ବେଗ ଯେତିକି ଭୟଙ୍କର ନଥିଲା ଟା ଠାରୁ ଅଧିକ ଭୟଙ୍କର ଥିଲା ସମୁଦ୍ର । ପ୍ରାୟ ଦୁଇ କିଲୋମିଟର ପର୍ଯ୍ୟନ୍ତ ମାଡି ଆସିଥିଲା ୩୦ ଫୁଟ ଉଚ୍ଚତାର ସମୁଦ୍ର ଜୁଆର ।
ଝଡର ତାଣ୍ଡବ, ପବନ ବେଗ, ବର୍ଷା ଓ ସମୁଦ୍ରର ଅଶାନ୍ତ ଜୁଆର ମିଳିତ ଭାବେ ରଚିଥିଲେ ସଂଘାର ଲୀଳା । ମାତ୍ର କିଛି ସମୟ ମଧ୍ୟରେ ମାଟିରେ ମିଶି ଯାଇଥିଲା ଘର ଦ୍ଵାର । ଓଡିଶାର ଉପକୂଳ ଅଞ୍ଚଳରେ ପାଖା ପାଖି ୩୬ ଘଣ୍ଟା ଯାଏ ତାଣ୍ଡବ କରିଥିଲା ଏହି ମାହାବାତ୍ୟା । ଛାରଖାର କରିଦେଇଥିଲା ଘର ଦ୍ଵାର ଓ ଗାଁ ଗଣ୍ଡା ।
ସେହି ମହାବାତ୍ୟାରେ କେନ୍ଦ୍ରାପଡା, ପୁରୀ, ଜଗତ ସିଂହପୁର, କଟକ ଓ ଖୋର୍ଦ୍ଧା ଜିଲ୍ଲାର ପାଖା ପାଖି ଦେଢ ଲକ୍ଷ ବାସହରା ହୋଇଥିବା ବେଳେ ପ୍ରାୟ ୧୦ ହଜାରରୁ ଅଧିକ ଲୋକ ପ୍ରା-ଣ ହରାଇଥିଲେ । ଏହା ସହିତ କେତେକ ଜୀବ ଜନ୍ତୁ ମରିଲେ ତାର ହିସାବ ନାହିଁ । ମହାବାତ୍ୟାରେ ସବୁଠାରୁ ଅଧିକ କ୍ଷତି ସହିଥିଲା ଜଗତ ସିଂହପୁର ଜିଲ୍ଲା ।
ଲୋକ ମାନଙ୍କ ଆଖି ଆଗରେ ଭାସି ଯାଇଥିଲେ ତାଙ୍କ ପରିବାର ଲୋକେ । ବନ୍ଧୁଗଣ ଏହି ମହାବାତ୍ୟାକୁ କେହି ବି ଭୁଲି ପାରିବେ ନାହିଁ କାରଣ ଏହା ଓଡିଶାର ସବୁଠାରୁ ଭୟଙ୍କର ମହାବାତ୍ୟା ଥିଲା । ତା ହେଲେ ବନ୍ଧୁଗଣ ଏହି ମହାବାତ୍ୟା ଉପରେ ଆପଣ ମାନଙ୍କର ମତ କଣ ଆମକୁ କମେଣ୍ଟ କରି ନିଶ୍ଚୟ ଜଣାଇବେ, ଧନ୍ୟବାଦ ।