“ଗଡେଇ ନେବୁ ମୋ ସଂସାର ରଥ” – ମହାପ୍ରଭୁ ଜଗନ୍ନାଥଙ୍କ ଉଦ୍ଦେଶ୍ୟରେ ଏହି ଭାବ ଭକ୍ତି ଭରା ଭଜନ ଏବେ ରିଲିଜ ହୋଇ ସାରିଛି । ଗୀତା ଟିକୁ ଗାଇଛନ୍ତି କର୍କଟ ପୀଡିତ ଧୃବାନନ୍ଦ ଦାସ । ତାଙ୍କ କଣ୍ଠରେ ଗୀତଟି ଖୁବ ହୃଦୟସ୍ପର୍ଶୀ ଲାଗୁଛି ।
“ହାରିଲି କେତେ ମୁଁ ଜିତିଲି କେତେ, ସବୁର ହିସାବ ଅଛି ତୋ ହାତେ… ଶେଷ ଅନୁରୋଧ ରଖିବୁ କାଳିଆ, ଦୁଃଖୀ ଜୀବନର କଥା ଦିପଦ… ମୁଁ ଯେବେ ନ ଥିବି ଏହି ଦୁନିଆରେ, ଗଡେଇ ନେବୁ ମୋ ସଂସାର ରଥ ।” ଗୀତର ଏହି ପଦଟି ଆପଣ ଶୁଣିଲେ ଆପଣଙ୍କ ଆଖିରୁ ଆପେ ଆପେ ଲୁହ ବୋହି ଆସିବ । ଏବେର ଆଧୁନିକ ଦୁନିଆରେ ଆଜିର ଯୁବାପିଢି ଆଉ ଭଜନ ଶୁଣିବାକୁ ସେତେଟା ପସନ୍ଦ କରୁ ନାହାନ୍ତି । କିନ୍ତୁ ଧୃବାନନ୍ଦ ଦାସଙ୍କ ଏହି ଭକ୍ତିପୂର୍ଣ୍ଣ ଭଜନ ନିଶ୍ଚୟ ଆପଣଙ୍କ ହୃଦୟକୁ ସ୍ପର୍ଶ କରିବ ।
ଏହି ଗୀତର ଗାୟକ ଧୃବାନନ୍ଦ ଦାସ ଏବେ ରକ୍ତ କର୍କଟ ବା ବ୍ଲଡ଼ କ୍ୟାନ୍ସର ରୋଗରେ ପୀଡିତ ଅଛନ୍ତି । ଗତ କିଛି ଦିନ ତଳେ ସେ ଅସୁସ୍ଥ ହୋଇ ପଡିଥିଲେ । ତାଙ୍କୁ ଆଶୁ ଚିକିତ୍ସା ନିମନ୍ତେ ହସ୍ପିଟାଲରେ ଭର୍ତ୍ତି କରା ଯାଇଥିଲା । ସମସ୍ତ ପ୍ରକାର ଟେଷ୍ଟ ହେବା ପରେ ଯେତେବେଳେ ୮ ଦିନ ପରେ ତାଙ୍କର ରିପୋର୍ଟ ଆସିଥିଲା ସେଥିରୁ ସେ ଜାଣିବାକୁ ପାଇଥିଲେ କି ତାଙ୍କୁ ବ୍ଲଡ଼ କ୍ୟାନ୍ସର ହୋଇଛି ଓ ସେ କେବଳ ଅଳ୍ପ କିଛି ଦିନର ଅତିଥି ଅଟନ୍ତି ।
ତେବେ ସେ ଗୀତ ଗାନତି ବୋଲି ପ୍ରାୟ ଲୋକେ ଜାଣିଥିଲେ ଓ ତାଙ୍କର ମଧ୍ୟ ଇଚ୍ଛା ଥିଲା କି ଜୀବନରେ କେବେ ମଧ୍ୟ ମରିବା ପୂର୍ବରୁ ଗୀତ ଟିଏ ଗାଇବେ । ଧୃବାନନ୍ଦ ଦାସଙ୍କ ଏହି ଇଚ୍ଛାକୁ ପୂରଣ କରିଛନ୍ତି କଣ୍ଠଶିଳ୍ପୀ ଜୟଶ୍ରୀ ଧଳ । ଧୃବାନନ୍ଦ ଦାସଙ୍କ ପରିସ୍ଥିତିକୁ ଲକ୍ଷ୍ୟ କରି ମହାପ୍ରଭୁ ଜଗତର ନାଥ ଶ୍ରୀ ଜଗନ୍ନାଥଙ୍କ ଉଦ୍ଦେଶ୍ୟରେ ଏହି ଭକ୍ତିପୂର୍ଣ୍ଣ ଭଜନ ଟି ଲେଖା ହୋଇଛି । ଯାହା ପ୍ରତ୍ଯେକ ଲୋକଙ୍କ ମନକୁ ନିଶ୍ଚୟ ଛୁଇଁବ ।
ଏହି ମ୍ୟୁଜିକ ଭିଡିଓ ଏବେ ୟୁଟ୍ଯୁବରେ ରିଲିଜ ହୋଇ ସାରିଛି । ଭିଡିଓରେ ଧୃବାନନ୍ଦ ଓ ତାଙ୍କ ପରିବାରଙ୍କୁ କାଷ୍ଟ କରାଯାଇଛି । କଣ୍ଠଶିଳ୍ପୀ ଜୟଶ୍ରୀ ଧଳ ନିଷ୍ପତ୍ତି ନେଇଛନ୍ତି କି ଏହି ଗୀତରୁ ଯାହା ରାଶି ତାଙ୍କୁ ଲାଭ ହେବ ତାହା ଧୃବାନନ୍ଦ ଦାସଙ୍କ ଚିକିତ୍ସା ଉଦ୍ଦେଶ୍ୟରେ ତାଙ୍କ ପରିବାରକୁ ଦାନ କରାଯିବ ।
ସେଥିପାଇଁ ସେ ଓଡିଶାବାସୀଙ୍କୁ ଏହି ଗୀତକୁ ବହୁଳ ପରିମାଣରେ ଦେଖିବାକୁ ଓ ଶୁଣିବାକୁ ଅନୁରୋଧ କରିଛନ୍ତି । ଧୃବାନନ୍ଦ ଦାସ ଯେପରି ଟଙ୍କା ଜୀବନରେ ହାରି ନ ଯାଆନ୍ତି ଓ ଏହିପରି ଆହୁରି ଅନେକ ଗୀତ ଗାଇବାକୁ ପାରିବେ ସେଥିପାଇଁ ତାଙ୍କର ମଙ୍ଗଳ କାମନା ମଧ୍ୟ କରିଛନ୍ତି । ଜୟଶ୍ରୀ ଧଳ କହିଛନ୍ତି ଏହିପରି ଏକ ଭକ୍ତିଭାବ ଗୀତର ସ୍ଵର ପ୍ରଭୁ ଜଗନ୍ନାଥ ହିଁ ତାଙ୍କୁ ବତେଇଛନ୍ତି ।
ତେବେ କର୍କଟ ପୀଡିତ ଧୃବାନନ୍ଦ ଦାସଙ୍କ ଏହି ଭଜନକୁ ଆପଣ ମାନେ ଖୁବ ପ୍ରେମ ଦିଅନ୍ତୁ ଓ ପ୍ରଭୁ ଜଗନ୍ନାଥଙ୍କ ପାଖେ ତାଙ୍କ ପାଇଁ ପ୍ରାର୍ଥନା କରନ୍ତୁ । ଆପଣଙ୍କୁ ଧୃବାନନ୍ଦଙ୍କ ଏହି ମ୍ୟୁଜିକ ଭିଡିଓ କେମିତି ଲାଗିଲା ଆମକୁ କମେଣ୍ଟ କରି ଜଣେଇବେ ଓ ଏହାକୁ ଅଧିକ ରୁ ଅଧିକ ମାତ୍ରାରେ ସେୟାର କରନ୍ତୁ ଯେପରି ଏହା ସମସ୍ତଙ୍କ ପାଖରେ ପହଞ୍ଚି ପାରିବ ଓ ଧୃବାନନ୍ଦଙ୍କୁ କିଛି ଆର୍ଥିକ ସାହାର୍ଯ୍ୟ ମିଳିପାରିବ । ଆଶା କରୁଛୁ ଆପଣ ମାନେ ଏଥିରେ ନିଜର ଯୋଗଦାନ ଦେବେ ।