ବନ୍ଧୁଗଣ ବନ୍ୟା ଜଳ ରେ ଉବୁଟୁବୁ ହେଉଛି ନଦୀ । ନଦୀ ଫୁଲି କୁଳ ଲଙ୍ଘିବା ଅବସ୍ଥାରେ ଅଛି । ଏହି ପାଣିକୁ ଡେଇଁ ଜୀବନ ହାରି ଦେଇଛନ୍ତି ଜଣେ ନାବାଳିକା । ପାଣି କୁ ଡେଇଁ ପଡିଲେ ଜଣେ ନାବାଳିକା ଯୁବତୀ ଏବଂ ଭାସିଭାସି କୁଆଡ଼େ ଚାଲିଗଲେ । ଏମିତି ଏକ ଘଟଣା ଦେଖିବାକୁ ମିଳିଛି କଟକ ଜିଲ୍ଲା ର ନିଶ୍ଚିତକୋଇଲି ବରପଡା ଲୁଣା ନଦୀରେ । ରାସ୍ତା ରେ ଗାଡ଼ି ମଟର ଚାଲିଥିଲା । ବର୍ଷା ଟିକେ ଛାଡ଼ି ଥିବାରୁ ଲୋକମାନେ ଲୁଣା ନଦୀ ବ୍ରିଜ ଉପରେ ଛିଡ଼ା ହୋଇ ପାଣିକୁ ଦେଖୁଥିଲେ ।
କାରଣ ହୀରାକୁଦ ଗେଟ ଖୋଲିଥିବା ରୁ ନଦୀରେ ପାଣି ଭରପୁର ମାତ୍ରାରେ ଥିଲା । ଠିକ ସେତିକି ବେଳେ ଜଣେ ନାବାଳିକା କାନ୍ଦି କାନ୍ଦି ବ୍ରିଜ ଉପରେ ପାଣିକୁ ଚାହିଁ କିଛି ସମୟ ଛିଡ଼ା ହେଲେ । ଏହାପରେ ହଠାତ ବ୍ରିଜ ବାଡ଼ ଉପରେ ଛିଡ଼ା ହୋଇ ସିଧା ପାଣି କୁ ଡେଇଁ ପଡ଼ିଲେ । ଅଟକାଇବାକୁ ଚାହିଁବି ଲୋକମାନେ ନାବାଳିକା ଜଣକୁ ଅଟକାଇ ପାରି ନଥିଲେ ।
କ୍ଷଣିକ ରେ ପାଣିରେ କୁଆଡ଼େ ଭାସି ଗଲେ ଯୁବତୀ ଜଣକ । ଯୁବତୀ ଜଣକ ହେଉଛନ୍ତି ନିଶ୍ଚିତ କୋଇଲି ନେମାଳ ଗାଁ ର ମଧୁସୂଦନ ପାତ୍ର ଙ୍କ ଝିଅ ମଙ୍ଗୁଳି ପାତ୍ର । ତେବେ ସେ କଣ ପାଇଁ ଏଭଳି ଗୋଟିଏ ବଡ଼ ନିଷ୍ପତ୍ତି ନେଇଗଲେ ତାହା ଜଣା ପଡ଼ି ନାହିଁ । ଏହା ପରେ ସ୍ଥାନୀୟ ଲୋକେ ତାଙ୍କ ଘରକୁ ଖବର ଦେବା ସହିତ ପୋଲିସ କୁ ସୂଚନା ଦେଇଥିଲେ ।
ପୋଲିସ ଘଟଣା ସ୍ଥଳ ରେ ପହଞ୍ଚି ଓଡ୍ରାଫ ଟିମ୍ କୁ ସୂଚନା ଦେଇଥିଲା । ତେବେ ଘଟଣା ସ୍ଥଳ ରେ ଓଡ୍ରାଫ ଟିମ୍ ପହଞ୍ଚି ଲୁଣା ନଦୀରେ ବୋଟ ସହଯୋଗ ରେ ଯୁବତୀ ଙ୍କୁ ଖୋଜୁଛି । ସ୍ଥାନୀୟ ମାଜିଷ୍ଟ୍ରେଟ ସରପଞ୍ଚ ଘଟଣା ସ୍ଥଳରେ ଉପସ୍ଥିତ ରହି ନଜର ରଖିଛନ୍ତି ।
ତେବେ ଯୁବତୀ ଙ୍କ ଖୋଜ ମିଳୁ ନଥିବା ବେଳେ ସେ ଏଭଳି ପଦକ୍ଷେପ କଣ ପାଇଁ ନେଲେ ତାହା ମଧ୍ୟ ବର୍ତ୍ତମାନ ସୁଦ୍ଧା ସ୍ପଷ୍ଟ ହୋଇପାରି ନାହିଁ । ପୋଲିସ ର ସମ୍ପୂର୍ଣ୍ଣ ତଦନ୍ତ ପରେ ହିଁ ପ୍ରକୃତ ସତ୍ୟତା ସମ୍ବନ୍ଧରେ ଜଣା ପଡ଼ିବ । ତେବେ ଏହି ସମ୍ବନ୍ଧରେ ଆପଣ ମାନେ ନିଜର କଣ ମତାମତ ରଖିବେ ତାହା ଆମକୁ ନିଶ୍ଚିତ ଭାବରେ ଜଣାଇବେ ।