ନମସ୍କାର ବନ୍ଧୁଗଣ ତେବେ ବିଜେବି କଲେଜ ମୁଖ୍ୟ ଗେଟ୍ ସାମ୍ନାରେ ଧାରଣା ଦେଲେ ରୁଚିକା ମହାନ୍ତିଙ୍କ ମାଆ । ରୁଚିକାଙ୍କ ସୁଇସାଇଡ ନୋଟ୍ରେ ଥିବା ତିନି ସିନିୟର୍ ଛାତ୍ରୀଙ୍କୁ ଗିରଫ କରିବା ସହ କଲେଜରୁ ବହିଷ୍କାର ଏବଂ ସମ୍ପୂର୍ଣ୍ଣ ଘଟଣା ଉପରେ ସିବିଆଇ ତଦନ୍ତ ଦାବି କରିଛନ୍ତି ତାଙ୍କ ମାଆ । ଯେପର୍ଯ୍ୟନ୍ତ ତାଙ୍କ ଦାବି ପୂରଣ ନହୋଇଛି ସେପର୍ଯ୍ୟନ୍ତ ସେ ଧାରଣାରେ ବସିବେ ବୋଲି ଚେତାବନୀ ଦେଇଛନ୍ତି । ତେବେ ରୁଚିକାଙ୍କ ମାଙ୍କ ସହିତ ଆଉ କିଛି ସାମାଜିକ ସଙ୍ଗଠନ ବି ସମାନ ଦାବି ନେଇ ଧାରଣାରେ ବସିଛନ୍ତି ।
ବିଜେବି କଲେଜ ଛାତ୍ରୀ ରୁଚିକା ମହାନ୍ତିଙ୍କ ମୃତ୍ୟୁ ଘଟଣାରେ କଲେଜ୍ କର୍ତ୍ତୃପକ୍ଷଙ୍କ ନିରବତାକୁ ନେଇ ତାଙ୍କ ପରିବାର କଡ଼ା ନିନ୍ଦା କରିଛନ୍ତି । ସେପଟେ ମହିଳା କମିଶନ ନିଜ ଆଡ଼ୁ ମାମଲା ରୁଜୁ କରି ତଦନ୍ତ ଆରମ୍ଭ କରିଛି । କଲେଜ ଛାତ୍ରୀ ନିବାସରେ ମହିଳା କମିଶନଙ୍କ ପକ୍ଷରୁ ତଦନ୍ତ କରାଯାଇଛି । କଲେଜ ଅଧ୍ୟକ୍ଷ ଓ ହଷ୍ଟେଲ ସୁପରିଟେଣ୍ଡେଣ୍ଟଙ୍କୁ ପଚରାଉଚରା କରାଯାଇଛି ।
ରାଗିଂ ପାଇଁ ରୁଚିକାଙ୍କ ଜୀବନ ଯାଇଥିବାରୁ ବିଜେବି କଲେଜର ଛାତ୍ରୀନିବାସରେ ୧୩୪ ଛାତ୍ରୀଙ୍କୁ ମାରାଥନ ପଚରାଉଚରା ପୋଲିସ କରିଛି । ଏପରିକି ହଷ୍ଟେଲ ଛାଡ଼ି ଚାଲିଯାଇଥିବା ଛାତ୍ରୀମାନଙ୍କୁ ଡକାଯାଇଛି । ବିଜେବି କଲେଜର ଛାତ୍ରୀନିବାସରେ କମିଶନରେଟ ପୋଲିସର ୩ ଜଣିଆ ଟିମ୍ ତନାଘନା କରିଛନ୍ତି । ତେବେ ରୁଚିକାଙ୍କୁ ନ୍ୟାୟ ଓ ଦୋଷୀଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ନେବାକୁ ଦାବି ହେଉଛି ।
ସେ ନୋ ଟୁ ରାଗିଂ, ୱି ୱାଂଟ ଜଷ୍ଟିସ ଫର ରୁଚିକା ମହାନ୍ତି ବ୍ୟାନର ଧରି ଧାରଣାରେ ବସିଛନ୍ତି ଛାତ୍ର ସଂଗଠନ । ରୁଚିକାଙ୍କ ଆତ୍ମହତ୍ୟା ପାଇଁ କଲେଜ କର୍ତ୍ତୃପକ୍ଷ ଓ ହଷ୍ଟେଲ ସୁପରିଟେଣ୍ଡଂଟଙ୍କ ଅବହେଳାକୁ ଦାୟୀ କରିଛନ୍ତି ଛାତ୍ର ସଂଗଠନ । ଦୋଷୀଙ୍କ ବିରୋଧରେ କାହିଁକି କାର୍ଯ୍ୟାନୁଷ୍ଠାନ ହେଉ ନାହିଁ । ରୁଚିକା ମହାନ୍ତିଙ୍କୁ ନ୍ୟାୟ ନମିଳିବା ଯାଏଁ ଲଢେଇ ଜାରି ରହିବ ବୋଲି ଚେତେଇ ଦେଇଛନ୍ତି ଆନ୍ଦୋଳନକାରୀ ।
ତେବେ ରୁଚିକାଙ୍କ ଆତ୍ମହତ୍ୟା ପରେ ବିଜେବି କଲେଜରେ ର୍ୟାଗିଂକୁ ନେଇ ମୁହଁ ଖୋଲିଛନ୍ତି କିଛି କଲେଜ ଛାତ୍ରଛାତ୍ରୀ । କହିଛନ୍ତି, ଏଠାରେ ରାଗିଂ ଜୋରଦାର ହୁଏ ଏବଂ ଅନେକ ରାଗିଂର ନିର୍ଯାତନାକୁ ସହିପାରନ୍ତି ନାହିଁ । ତେବେ ଛାତ୍ର ନେତା ସଙ୍ଘମିତ୍ରା ଜେନା କହିଛନ୍ତି କି ଏହା ଆତ୍ମହତ୍ୟା ନୁହେଁ ଏହା ହତ୍ୟା ତେବେ ଯେଉଁ ପିଲା ମାନେ ରାଗିଙ୍ଗ କରିଛନ୍ତି ସେହି ମାନେ ହେଉଛନ୍ତି ଏହାର ହତ୍ୟାକାରୀ ।
ତେବେ ସେ କହିଛନ୍ତି କି ଉଚ୍ଚ ଶିକ୍ଷା ଅଧିକାରୀ କୌଣସି ପଦକ୍ଷେପ ନେଉ ନାହାନ୍ତି । ତେବେ ଏଭଳି ବ୍ୟବସ୍ଥା କୁ ସେ ନିନ୍ଦା ମଧ୍ୟ କରିଛନ୍ତି । ତେବେ ସେ କହିଛନ୍ତି କି ଯେଉଁମାନେ ଏଭଳି ରାଗିଙ୍ଗ କରୁଛନ୍ତି ସେମାନେ ହେଉଛନ୍ତି ଜଣେ ଜଣେ ମାନସିକ ରୋଗୀ କାରଣ ଯିଏ ଅନ୍ୟ କୁ କଷ୍ଟ ଦେଇ ଖୁସି ହେଉଛି ସେ ନିଶ୍ଚିତ ଭାବରେ ଜଣେ ମାନସିକ ରୋଗୀ ।
ତେବେ ସେମାନଙ୍କୁ କାଉନସିଲିଂ ର ଆବଶ୍ୟକତା ରହିଛି । ତେବେ କଲେଜ ରେ ଏହି ରାଗିଙ୍ଗ ପାଇଁ କଡା ପଦକ୍ଷେପ ନିଆ ଯିବା ଆବଶ୍ୟକ ଅଟେ । ତେବେ ସରକାର ଙ୍କୁ ଅନୁରୋଧ କି ସେ ଏଭଳି ଆଉ କେହି ରୁଚିକା ନ ହୁଅନ୍ତୁ ସେଥିପାଇଁ ଧ୍ୟାନ ଦେବେ ଏବଂ ରୁଚିକାକୁ ଉଚିତ ନ୍ୟାୟ ମଧ୍ୟ ଦେବେ । ତେବେ ଏହା ଉପରେ ଆପଣଙ୍କ ମତାମତ କଣ ନିଶ୍ଚିତ ଜଣାନ୍ତୁ ।
