ବନ୍ଧୁଗଣ, ସୂଚନା ଅନୁଯାୟୀ ଆଜି ଦେଶର ସର୍ବୋଚ୍ଚ ପଦ ପାଇଁ ଦୌଡ ରେ ଥିବା ଓଡିଶାର ଆଦିବାସୀ ନେତ୍ରୀ ଦିନେ ଗୋଟି ଗୋଟି ଟଙ୍କା ପାଇଁ କରୁଥିଲେ ସଂଘର୍ଷ । ରମାଦେବୀ ରେ ପାଠ ପଢୁଥିବା ବେଳେ ସାଙ୍ଗ ମାନେ ସେଠାକାର କ୍ୟାଣ୍ଟିନ ରେ ଯାଇ ଭଲ ଭଲ ଖାଦ୍ୟ ଖାଉଥିଲେ । ମାତ୍ର ଦ୍ରୌପଦୀ ଙ୍କ ପାଇଁ ତାହା ସବୁ ଥିଲା ଏକ ସ୍ଵପ୍ନ ସାଦୃଶ୍ୟ । ଟଙ୍କା ର ଅଭାବ କ୍ୟାଣ୍ଟିନ ଏବଂ ତାଙ୍କ ଭିତରେ ଟାଣିଥିଲା ଲକ୍ଷ୍ମଣ ରେଖା ।
ଚଳିବା ପାଇଁ ବାପା ଙ୍କ ପାଖରୁ ତାଙ୍କ ପାଖକୁ ମାସକୁ ଆସୁଥିଲା କେବଳ ୧୦ ଟଙ୍କା । ସେତେବେଳେ ସବୁକିଛି ବହୁତ ଶସ୍ତା ଥିଲା ସତ କିନ୍ତୁ ୧୦ ଟଙ୍କା ରେ ଚଳିବା ବହୁତ କଷ୍ଟ । ତଥାପି ସଂଘର୍ଷ କରୁଥିଲେ ଦ୍ରୌପଦୀ । ସେହି ୧୦ ଟଙ୍କା ରେ ସେ କଷ୍ଟେ ମଷ୍ଟେ ଚାଲିଯାଉଥିଲେ ମାସେ ପର୍ଯ୍ୟନ୍ତ । ତାଙ୍କ ସାଙ୍ଗ ମାନେ ରାଜଧାନୀ ର ବଜାର ବୁଲୁଥିଲେ ତଥା ସିନେମା ଯାଉଥିଲେ ।
ସେତେବେଳେ ନିଜ ସାଙ୍ଗମାନଙ୍କ ସହିତ ବୁଲିବାକୁ ତଥା ସିନେମା ଯିବାକୁ ଦ୍ରୌପଦୀ ଙ୍କର ବହୁତ ଇଛା ହୁଏ । ମାତ୍ର ଏହା ତାଙ୍କ ପାଇଁ ଦିବା ସ୍ଵପ୍ନ ସ୍ୱରୂପ ଥିଲା । ଇଛା କେବେ ନା କେବେ ପୂରଣ ହୋଇଥାଏ ସତ । ଦ୍ରୌପଦୀ ଙ୍କ ସ୍ଵପ୍ନ ମଧ୍ୟ ପୁରା ହୋଇଥିଲା । ସିନେମା ହଲ ଯାଇ ସେ “ଗପ ହେଲେ ବି କଥାଟି ସତ” ପ୍ରଥମ ଚଳଚିତ୍ର ରୁପେଲି ପରଦାରେ ଦେଖିଥିଲେ । ୮ ବର୍ଷ ଧରି ଭୁବନେଶ୍ବରରେ ରହି ପାଠ ପଢିଥିଲେ ଏବଂ ଆଜି ରାଷ୍ଟ୍ରପତି ପଦ ପାଇଁ ଚୟନ ହୋଇଥିବା ଦ୍ରୌପଦୀ ମୁର୍ମୁ ।
ଏହା ପରେ ସଚ୍ଚିବାଳୟରେ ଚାକିରୀ ଏବଂ ରାଜନୀତି କୁ ପ୍ରବେଶ କରିବା ପୂର୍ବରୁ ପ୍ରାୟ ୪ ବର୍ଷ ଶିକ୍ଷକତା କରିଥିଲେ ଦ୍ରୌପଦୀ । କିନ୍ତୁ ଏତେ ବଡ ଖୁସିର ଦିନରେ ସେ କେଉଁଠି ନା କେଉଁଠି ନିଜ ସ୍ଵାମୀ ଏବଂ ଦୁଇ ପୁଅଙ୍କୁ ମନେ ପକାଉଛନ୍ତି । ଯେଉଁମାନେ କି ଦ୍ରୌପଦୀ ଙ୍କୁ ଛାଡି ଆର ପାରି କୁ ଚାଲିଯାଇଛନ୍ତି ।
ଏବଂ ତାଙ୍କ ପାଖରେ କେବଳ ଛାଡିଯାଇଛନ୍ତି ସେମାନଙ୍କ ଅଭୂଲା ସ୍ମୃତି । ତେବେ କଠିନ ପରିଶ୍ରମର ସୁଫଳ ଆଜି ଓଡିଶାର ଗର୍ବ ଭାବରେ ପରିଚିତ ଦ୍ରୌପଦୀ ମୁର୍ମୁ । ଭଗବାନ ତାଙ୍କୁ ସହାୟ ହୋଇ ନିଜ ଆଶୀର୍ବାଦ ର ହାତ ରଖିଥାନ୍ତୁ ଏତିକି ଆମ୍ଭର କାମନା । ତେବେ ବନ୍ଧୁଗଣ ଏହି ବିଶେଷ ବିବରଣୀ ସମ୍ବନ୍ଧରେ ଆପଣଙ୍କ ମତାମତ ଆମ୍ଭକୁ କମେଣ୍ଟ ମାଧ୍ୟମରେ ଜଣାନ୍ତୁ ।
