ବନ୍ଧୁଗଣ, ସୂଚନା ଅନୁଯାୟୀ ଏଯାଏଁ ଭାବୀ ରାଷ୍ଟ୍ରପତି ଦ୍ରୌପଦୀ ମୁର୍ମୁ ଙ୍କ ଗାଁ ରେ ବିଜୁଳି ନାହିଁ । ଯେଉଁ ଗ୍ରାମ ରେ ଜନ୍ମ ଗ୍ରହଣ କରିଥିଲେ ଭାବୀ ରାଷ୍ଟ୍ରପତି ଦ୍ରୌପଦୀ ମୁର୍ମୁ । ଏହି ଗାଁ ରେ ଆଜି ଖୁସିର ମାହୋଲ ସମସ୍ତଙ୍କ ମୁହଁରେ ଆଜି ହସ । ମନରେ ଅସରନ୍ତି ଗର୍ବ ଏହି ଗାଁ ଆଜି ଦିନବେଳା ଖିଲି ଖିଲି ହୋଇ ହସୁଛି ସତ ମାତ୍ର ରାତି ହେଲେ କାନ୍ଦିବ । କହିବ ଯେ ମୋ ଝିଅ ଆଜି ରାଷ୍ଟ୍ରପତି ହେବାକୁ ଯାଉଅଛି ଅଥଚ ମୁଁ କିଟି କିଟି ଅନ୍ଧାରରେ ବଞ୍ଚୁଛି ।
ଝିଅ ରାଷ୍ଟ୍ରପତି ହେବା ପରେ ବୋଧ ହୁଏ ମତେ ମୋର ହକ ମିଳିବ ଏବଂ ଏଥିରେ ବଢୁଥିବା ମଣିଷ ରାତିର ଆଲୁଅ ଦେଖିବ । ସତରେ ଭାବୀ ରାଷ୍ଟ୍ରପତି ଙ୍କ ଗ୍ରାମ କୁ ଏଯାଏଁ ପହଞ୍ଚି ପାରିନାହିଁ ବିଜୁଳି । ୨୦ ବର୍ଷ ହେବ ସଂଘର୍ଷ ଜାରି ରହିଅଛି କିନ୍ତୁ ପ୍ରତିଶୃତି ଛଡା ହାତକୁ ଆଉ କିଛି ଆସୁନାହିଁ । ଯେଉଁଠି ଭାବୀ ରାଷ୍ଟ୍ରପତି ଙ୍କ ଗ୍ରାମ କୁ ବିଜୁଳି ପହଞ୍ଚିପାରୁନି ସେଠାରେ ବିକାଶ ଏବଂ ଉନ୍ନତି ର କଥା ପ୍ରହସନ ମାତ୍ର ।
ଏହି ଗ୍ରାମ ର ଲୋକେ ବର୍ତ୍ତମାନ ଆଶା କରିଛନ୍ତି ଯେ ଯଦି ଦ୍ରୌପଦୀ ମୁର୍ମୁ ଦେଶର ରାଷ୍ଟ୍ରପତି ହେବେ ତେବେ ସେ ନିଜ ଗ୍ରାମରେ ବିଜୁଳି ର ଉପାୟ କରିବେ ଏବଂ ଗ୍ରାମବାସୀ ମାନେ ବିଜୁଳିବତୀ ଟିକିଏ ଦେଖିପାରିବେ । ଏହି ଗ୍ରାମରେ ଅଧିକାଂଶ ସଦସ୍ୟ ଆଦିବାସୀ ହୋଇଥିବାରୁ ସେମାନେ ଅତ୍ୟନ୍ତ ନିରୀହ ଅଟନ୍ତି । ଦେଶ ଦୁନିଆ ତାଙ୍କୁ ଜଣା ନାହିଁ କହିଲେ ଅତ୍ୟୁକ୍ତି ହେବନାହିଁ ।
ତଥାପି ସବୁକୁ ବାଦଦେଇ ନିଜ ଗ୍ରାମ ର ଝିଅ ଦ୍ରୌପଦୀ ମୁର୍ମୁ ଙ୍କ ସହାୟତା କୁ ସମସ୍ତେ ଚାହିଁ ବସିଛନ୍ତି । ତେବେ ଏଠାରେ ପ୍ରଶ୍ନ ଉଠିଛି ଯେ ଏ ପର୍ଯ୍ୟନ୍ତ ଏହି ଗ୍ରାମ କୁ ବିଜୁଳି ସଂଚାର ହୋଇନାହିଁ କାହିଁକି ? ଦୀର୍ଘ ଦିନ ହେବ ଆଜିଭଳି ଦିନରେ ଗ୍ରାମବାସୀ ଖରା, ବର୍ଷା, ଶୀତ ରେ ମଧ୍ୟ ଅନ୍ଧାରରେ ନିଜ ପରିବାର ତଥା ପିଲାଛୁଆ ଙ୍କ ସହିତ ରହିଆସୁଛନ୍ତି ।
ତେବେ ଦିନରେ ଯାହା ଯେମିତି ଏହି ଗ୍ରାମର ପିଲା ପାଠ ପଢୁଥିବେ ମାତ୍ର ସନ୍ଧ୍ୟାହେଲେ ଡିବିରି ଆଲୁଅରେ କେତେ ଆଖି କୁ କଷ୍ଟ ଦେଇ ପାଠ ପଢିବେ ? ତେବେ ସରକାର ଙ୍କର ନିଶ୍ଚିତ ଭାବରେ ଏହିଭଳି ବିଜୁଳି ବିହୀନ ଗ୍ରାମ କୁ ସୁବିଧା ଯୋଗାଇବା କଥା । ତେବେ ବନ୍ଧୁଗଣ ଏହି ବିବରଣୀ ସମ୍ବନ୍ଧରେ ଆପଣଙ୍କ ମତାମତ ଆମ୍ଭକୁ କମେଣ୍ଟ ମାଧ୍ୟମରେ ଜଣାନ୍ତୁ ।